網頁

2015年2月26日 星期四

【地膽推介】長洲神級「芒果王」...竟難敵「情人鎖」魔力??

要食地道美食, 有時靠天書不如問地膽, 年初五入長洲前, 預先問了長洲長大, 「島中坊研」的Amy, 鳴謝提供今日三間超正美食是也.


大排檔「通記」, 街市熟食市場, Amy媽媽每日必嘆奶茶地方. 我們走到街市, 見佔舖位最多, 最多人光顧的就是「通記」.


店員忙過不停, 我們點了豬扒, 雞翼, 及豬潤. 另外阿太看到隔離枱有一杯橙汁類東西, 賣相好吸引, 店員說:「橙汁檸冰」 (唔駛諗要要要)


估計這應該是粒粒橙汁加鮮檸檬, 酸酸甜甜, 第一次試夠新鮮感, 如果冰再少一點, 味度更濃就更正.


落單時本著搏一搏的心理, 估不到長洲的豬潤也有一定水準, 不差!! 不差!! 正過九龍好多好多食肆.


結帳時才正式可以與店員傾計, 她說:E~你哋無叫沙嗲牛咩? (無喎!點解咁問?) 好多人食, 幾出名架, (?妳唔早講, 今次已經食得好飽, 唯有下次再入嚟必必必試啦)


食飽飽後, 三口子就去了「關公忠義亭」學人賞櫻花, 詳情可以瀏覽今日櫻花燦爛 @ 關公忠義亭


賞櫻至大約415, 我們又返回街市, 因為在熟食市場對面的「康蘭餅店」, 每日345分有新鮮出爐的「一口蛋撻」. (離遠己經聞到蛋香~)


雖然我們遲了30分鐘, 但老闆娘說:「無問題, 因為唔係日日準時345, 今日就遲咗少少...(真係天助我也哈利路亞)


六元三件一口蛋撻, 絕對「無得輸」, 雖然我愛酥皮多一點, 但康蘭的牛油皮不會「硬掘掘」, 蛋味又夠濃, 一啖一口, 有「唔夠喉!!唔夠喉」感覺.


不過, 我們不可以添食, 因為還有下一站「芒果王」在等著我們去朝聖.


天后廟前的「芒果王」正碓名稱為「勝記小食」, 已經開業近3, 近半年才搬到現址.


我們4點半到達, 人山人海, 人人也在等芒果糯米糍. 阿姐:「你要幾多舊, 講就得, 你排第6, 要等老闆即刻做呀! 做好就叫你嚟, OK?


今日算走運, 原來平日一般要下午3點才有糯米糍出售, 如果4點半一輪售罄就要等6點一輪.SY很急不及待要點芒果布甸而我則先來一碗芒果大菜糕


布甸完勝大菜糕因為芒果粒入布甸而成而我的大菜糕則芒果肉還肉大菜糕還糕難怪布甸未到5點又火速售罄.

  
記得去年阿太到長洲說:「去【允升】食芒果糯米糍...大熱...人人嚟長洲必食架.」其實, 今日食過「芒果王」之後, 簡直覺得浪費了去年的時間



1/3塊芒果夾在薄無可薄的糯米皮內, 外型被形容為Mac機滑鼠一樣的美食, 簡直可以說理應天上有, 「食物喪志」應該就是這個糯米糍.


不過, 今次的冬天芒果未「當造」, 雖然有果香, 但味道偏淡, 所以我決定4月尾玩完包山後, 要買一打「當造」的回家慢慢嘆.


阿姐說:「外賣後2-3小時食一樣無問題」 , 今次我們也買了兩件給朋友吃, 實行分甘同味...


食完芒果王, 我們就去探望手作朋友, 詳情可瀏覽:長洲情侶擋~拍擋賣手作 @ 島中坊研 & 賣藝


之後我們發現長洲竟然也出現「情人鎖」鐵閘牆...又黃又紫又綠, 好靚呀!!


原來這是B&B~ (長洲歐美式渡假旅館)的傑作, 在收銀櫃門外, 可以有五款不同顏色的鎖頭, $20有售.


我問女店員這玩意玩了多久, 她答:3個月左右, 最高峰係情人節當日賣咗200, 平日都係賣20個左右」


當阿囝努力寫心願之際, 我又向店員八卦一下, 其實我自己帶個鎖嚟得唔得呢? 店員很有經驗的答:「我哋會剪走佢, 久唔久我就剪一次架」


店員表示如果是她們酒店的鎖就暫時會作永久擺存, 因為還有大量位置, 我們決定4月尾再來時, 看看我們的心願情人鎖會否仍在呢?


上船啦!! 走啦!! 趕船呀!! 約了朋友吃晚飯... Yeah!! 趕到剛剛準備開出的船...坐定定後...阿太問我:「買畀Patrick嗰兩個芒果王呢?



(?? 不是你負責嗎?) 失望的阿太痛心說:SY寫情人鎖時, 我漏咗係B&B張凳」...! 唯有4月尾我們回來探情人鎖時, 順道探探那擱置在B&B門口木凳的外賣芒果吧!!


沒有留言:

張貼留言