今日行花墟年宵, 始終也是中午時間去最好,
人流不多, 又可以慢慢睇, 慢慢揀.
今年多了很多互動的攤檔, 阿囝大叫:「爸爸!你睇! 包剪揼喎…」, 年輕檔主一聽見就開心走來:「小朋友, 我同你猜好唔好?」, 結果SY揭到「揼」勝出, 姐姐笑笑口:「你贏咗呀! 我送包糖你食啦!!」
完全無硬銷, 更加笑容滿面, 又逗得小朋友開開心心, 絶對要讚揚一下. 多謝妳!!
行過另一邊放了兩大美少女的人形紙板, 美少女大方的借來變身器拍照.
這攤檔認真落本, 單單兩個佈景板已經夠吸引, 不過一個變身器也不便宜, 要$168. 哈!! 好彩我不是美少女粉, 避過一劫.
有一檔放了6隻不同表情的木雕叮噹, 食到熱潮, 表情最攪笑就是最左邊的扮超人一款, 未知能否在一眾咕臣, 氣球濃罩下的年宵, 殺出一條血路?
阿囝一見枝裝可樂就大叫:「爆炸呀!」(因他覺得飲可樂, 條脷好似被炸一樣), 鄭同學話:「我哋唔想抄足, 所以改了字樣, $88支持下啦」我覺得似支大豉油多一點, 不太神似.
之後我就見到場中最有氣勢的一檔, 黃旗, 紅旗, 黑旗, 還有大量鐵欄, 一望見這個情景, 腦海即重現半年前的喜怒哀樂. 忽然很感慨.
我問年青人:「鐵欄應該好賣過旗啦,
啲人買啲旗返去有乜用?」誰知他們答:「旗最好賣, 全部都係$88, 紅旗差唔多賣晒添」 吓?? 究竟可以當窗簾, 還是浴簾, 對不起, 我未不懂欣賞.
出奇蛋咕臣的攤檔, 最吸引我的不是咕臣, 而是背後的仿古廣告板, 真的很有懷舊氣味, 計設的大學生竟然是修讀工程的,
只用了兩日就完成, 簡直神乎奇技.
福建中學學生設計的維他奶咕臣夠搶眼. 遠遠望到也有一刻想購買的衝動…
身旁的巨型汽水機又真的可以跌出咕臣, 我沒有玩, 因為$98一個太貴, 年宵多年, 我暫時還未破戒買過任何無用的東西. (阿囝同阿太除外, 因為佢哋乜都話靚嘅… )
自從兩年前開始, 每年SY也會來花墟撈金魚, 今次一條也撈不到. 朋友得知我們有自習慣,
竟然說:「啲金魚好可憐, 可能會被你撈到眼都跌出嚟」
我聽完這番話後, 其實有思考過這個問題,
不過, 金魚街都是買一條金魚才去撈,
或者舖頭員工有專業技巧吧!! 老實說, 開心撈一撈, 日本節日祭一樣有同樣活動, 只要心態不是要殘害金魚,
我反而覺得問題不大.
都一年一度買桃花的日子, 去年用了$180買了一棵不錯的桃花, 今年買了數檔, 瘦削的最平也要$200,
但得到差不多盡頭, 竟然聽到一棵$80, 兩棵$140.
當然質素不是太好, 但$80元也真的有我去年8成的氣勢, 結果心大心細的我, 肥老闆竟然說:「唔駛諗啦, 好靚架, 見你睇咁耐, $60畀你啦」(咁平當然唔駛諗, 嗱嗱林畀錢)
收我$60, 還要幫我鋸短桃花, 我也感到不好意思, 我會認住你肥老闆, 明年一定會再來打擾你.
當我買完花, SY就說:「爸爸!! 幾時買波波畀我呀??」為何小朋友如此喜愛氫氣球呢?
又唔實質又無用.
而且每次SY也要揀一個似足42吋電視大的款式, 不過今年真的賤物鬥窮人, 去年差不多大細的氫氣球,
索價$120, 今年竟然開價$69.
(看SY的渴望眼神, 真的不忍心不買)
媽媽的角色又要發揮作用了, 就是講價. 今日她又成功為我們爭取到$58就買到一個大大個的哨牙嘜波波, 認真超值.
今日真的滿載而歸, 只花了$118, 滿足兩父子兩個願望. 最開心樓下看更見到我棵桃花:「嘩!你真係幾識買野架喎, 我買咗棵$120蚊都無你手嗰棵咁大」, 哈!!執到寶, 成日感覺都好好. HEHE!!
沒有留言:
張貼留言