好奇怪, 我一向對舞獅不感興趣,
但SY由3歲開始, 每次醒獅必大叫:「舞龍獅!舞龍獅! 我要睇!!我要睇」, 次次一定笑笑口看足全程.
上星期發現海港城有一個「小小醒獅體驗班」, 我問SY:「要舞45分鐘好辛苦架喎, 你有冇興趣玩呀?」
他一聽到舞龍獅, 兩眼發光:「自已可以玩架? 好呀! 45分鐘好短咋喎, 點會辛苦??」
今日由兩位師傅教授十位小朋友, 每人還送一件粉紅色的螢光「醒獅」Tee.
首先熱熱身…SY在陌生人面前真的很聽話,
熱身都好認真喎. 如果換了是我, 他一定早就走到老遠…
今次小朋友會被分成兩批, 一部份小朋友打鑼打鼓,
另一部份就舞獅.
十位小小師傅, 個個又好像有板有眼, 擺擺獅尾, 又舞舞獅頭, 感覺好看過之前所有的醒獅表演.（哈!! 可能今次由自己囝舞動的原故吧!）
今日SY舞了兩次獅尾, 本來也十分活躍, 不過鄭師訓示:「獅尾要彎腰彎低啲, 你哋係舞駱駝呀!!」.
所有小朋友即時戰戰兢兢, 小小心心又再彎彎腰十數秒,
之後又打回原形. 其實真的很困難, 若果換了是我, 肯定舞數分鐘更加暈低添.
之後換了SY舞獅頭, 左擺右擺, 我估計獅頭可能比較重, 所以看得出SY往後的擺動也漸漸放慢.
最終就是要採青, 打開「身體健康」的揮春!!
Yeah!! 小朋友來說各人的第一次,成績也很不錯啦!!
之後便輪到阿囝打鑼打鼓, 看他的樣好像打得好雀躍.
短短45分鐘很快就過去, 最後每位小朋友由鄭師傅教授一招「鼓舞飛揚」給家長們拍照.
嘩!! 我即時聯想到20年前, 萬寶路Red Hot Hits鼓舞飛揚 Remix張學友唱愛火花的畫面…
鄭師傅很攪笑, 他穿的Tee寫著「我不是師傳」, 教小朋友真的很花心機, 及體力, 還要一次過教十個舞獅, 所以看到師傅滿頭大汗, 辛苦晒.
之後我問阿囝:「最好玩係米舞獅頭呀?」 SY竟然答我:「唔係..最好玩係打鼓」
原來他説獅頭很重, 很難控制, 「仲要伸隻手攞個《身體健康》牌, 好難呀..都係打鼓好玩好多…」(其實阿囝睇舞龍獅, 係唔係只為鍾意聽打鑼打鼓呢?? 那真係好癖好喎???)
大仁生活facebook
沒有留言:
張貼留言