一家三口, 2014年11月某周日,準備到瀝源村「盛記」吃晚飯,
把守「掌櫃」之位的「二佬」華哥:「唔好意思呀! 周末無訂位通常都無位架!!」
因為極渴望來吃一餐, 於是我即時預訂一月尾,
不過華哥說:「預訂一個月前就OK架啦..你不如2015年年頭再打電話嚟, 好唔好!!」
等了又等, 終於等到1月31日, 與B哥的約會. 我第一時間上前大叫「B哥!!」, 他當時忙於在廚房準備火鍋配料.
雖然忙碌, 但有求必應的B哥卻即時拋下工作, 走出來和我們合照, 並親切如老朋友的語氣問:「E…你以前係咪係附近讀書?? 唔好意思, 我唔認得你…」
老實說, 若有人像我一樣, 素未謀面但又熱情上前合照, 可能我會以為有傻佬而不會似B哥的禮貌回應喎.
其實我不好意思就真, 因為我只是第一次慕名而來的麻煩仁. 我對B哥說:「你好似發肥咗」他笑笑點點頭,拍一拍我的膊頭:「多謝晒!」當然節目也是五年前拍攝了.
「盛記」五年的變化真大, 環境有8成以上改變了, 起碼這裡也加裝了冷氣, 不過最突出的那「人牆」仍然屹立. 我好感動, 我終於親身可以來見證.
雖然今晚試不到「盛記」出名的牛腩, 因為現時舖頭晚市只做火鍋.
失望就一定有, 不過, 可以順利朝聖, 我已經開心到連舖頭每一個角落都影7, 8 張相啦.
鄰桌的客人點了一盤象拔蚌刺身, 本來我也想點, 誰知B哥不好意思:「要預訂架, 下次你打電話嚟, 因為師傅切之前要消毒雙手, 好多功夫, 如果唔訂真係無.」(她們很大方, 借盤象拔蚌給我拍照)
他們邊食邊對我說:「廚師長好好手勢架, 我次次嚟都一定要訂一盤, 你睇幾新鮮, 出面食起碼900蚊, E度都係$668, 超抵...」(我其實好夾一塊…)
我本來想問問廚師長, 誰知我嚇怕了他:「唔好影我呀...我好多仇家, 你係記者嚟架? (唔係! 寫Blog佬咋), 哦!! 今日無晒刺身啦, 無得切畀你影, 下次啦!!」, 不好意思, 希望我的相機沒有驚動到廚師長吧!!
B哥推介:「腐皮卷啦, 因為全部都係我哋自己炸嘅」, 這響鈴不會硬實實, 沒有油膱味, 其他酒樓用超市貨色絶對無得比.
朋友說:「E度價錢都幾貴喎!!」老實說是不便宜, 但勝在新鮮, 最最最大賣點, 這裡不會有人催你走, 你可以一直坐至他們關門,
而且不收加一.
價錢和集團式的食肆差不多, 但質素高一班, 還有B哥不時過來和你分享心得, 簡直是心靈雞湯伴火鍋暖暖入心入胃.
B哥的二家姐剛由澳洲回來渡暑假「我返嚟兩個月, 米幫下手囉, (哦!唔卦得電視唔見你啦), 不過你有嘢問, 就問老闆, (指指華哥), 我打工架咋」華哥偷笑說:「我哋盛記習慣個個都唔認係老闆, 所以我都係打工架咋...」你兩兄姐真攪笑!!
農曆新年「盛記」會休息, 我問B哥會否外遊? B哥繼續笑咪咪答:「農曆新年我最有壓力,
因為年年我哋習慣都做盤菜, 辛苦自己知, 但年年見到啲客人食得開心又唔停得...」(我睇電視都睇到流口水…)
B哥突然醒起提提二佬:「記得提啲客我今年初三唔做到會呀!」我又八卦:「整個新年要唔要做50圍盤菜?」誰知B哥苦笑:「一日都唔只50盤啦!!」, 難怪那真是壓力的泉源喎.
臨走前我問B哥衫背的五十年是心聲嗎?
他又再次溫馨的拍一拍我膊頭:「體會, 最緊要大家食得開心…多謝晒, 下次再嚟」一定會, 我下次要中午來吃牛腩麵, 再訂盤菜回家慢慢嘆呀!!
大仁生活facebook
大仁生活facebook
沒有留言:
張貼留言