連續六年, 新正頭大埔林村許個願,
自從去年發現大年初一, 人不多, 又不用排隊等巴士, 所以今年我們也是大年初一向林村出發.
一落巴士, 大大隻威威司令等著和我們拍照,
我最初以為是海洋公園有份贊助許願節, 合照完才發現, 原來是另一條海獅. (果然天下無新事, 淘寶無假貨)
今年是「第5屆香港許願節」, 新聞指明年大會將可以脫離政府資助, 自負盈虧, 沒有錯, 因為由5年前開始, 林村愈來愈商業化, 6年前來許願樹, 敲敲鼓, 轉轉風車怎會需要捐獻呢???
今年, 更增設$38掛上情人木鎖, 嘩!! 可能我們第一日吧!! 三條紅線上也只有寥寥可數的十個八個許願扣. (出年再來, 話唔定會有許願鶴, 許願星, 許願草…)
有人帶了愛犬到場, 小狗女一見到兩隻假羊興奮吠不停, 莫非牠以為這兩隻是披著羊皮的狗狗??
羊年應該為羊慶祝, 不過在場有$45兩件羊架, 望著一隻隻羊腿被燒, 忽然覺得好殘忍, 話明羊年, 可否食蛇, 燒雞, 煎豬扒就算呢??
到林村一定一定要光顧珍姐, 其實在場有三檔食肆, 雖然珍姐的豆腐花, 並非全港最好食, 但如果你有機會試過在場食肆,
你應該會知道另外兩間如何難食..
今日, 珍姐忙得連合照也沒有時間,
自從知道珍姐豆腐花差不多六點就會售罄,之後, 我們年年也是吃完才去許願.
今年的許願寶牒及蓮花並沒有加價, 套裝價錢一樣$50, 不過我以為大會好人會多送一個小吉匙扣, 哈!! 原來要$10購買的.(真的每個賺錢位也花盡心思…辛苦晒)
數年前開始, 許願寶牒已經變成懶人恩物,
全部變選擇題, 剔出心願就可以, 我對SY說:「身體健康你識唔識寫??」
SY手執心願卡:「爸爸, 剔乜得囉, 唔駛寫架??」
救命呀!! 許願應該要表示誠意, 不可以懶惰, 我今年首次覺得這張「懶人恩物」, 可能會教壞下一代.
我們先到「許願池」放蓮花, SY愛玩水, 一早已急不及待, 走到許願池起點, 興奮的放下膠蓮花.
我懷疑這位小朋友真的以為自己在放船仔一樣, 「撞啦..撞到人哋嗰隻啦…」, 「快啲…快啲…加油…加油」
雀躍的SY跟足全程,, 其實我一早已在這條, 似足迴轉壽司輸送帶的蓮花池尾段等待, 奇怪為何等極也未見SY及我們的蓮花飄過來…
原來阿囝見某一區太多蓮花, 提早抽起了蓮花, 他說:「好多花呀!! 好危險, 不如由頭放過囉…」
於是我們又從前再放一次, 其實, 我預了小朋友玩三次, 誰知今日他只玩了兩次就說:「幾時可以掟許願樹呀!!
我好心急呀！」
於是我們便過旁邊準備拋寶貼, 我每年農曆新年喜愛來林村,
就是最鍾意圍在許願樹的人的嘻嘻哈哈.
小朋友有小朋友的細細力, 大人又有大人的蠻力, 基本上人人也拋完再拋,
拾回又再掟, 很少人一次成功…(可能大家也未睇TVB林彥邦新聞教路吧!!)
一有人拋中, 就會即時聽到「Yeah!」,「好野!!」; 部份人會自豪說:「一次就中, 你仲未掟到呀??」
而我們的寶貼, 經小朋友奮戰10分鐘後, 終於成功掛上樹上. SY:「爸爸!! 我掟中咗啦…咁你幫我攞返啦!」 (吓!係邊呀? 咁高…又掛住咗…攞唔到架啦…)
小朋友很攪笑, 又要拋, 拋中又想要返, 於是唯有解釋:「掟中咗, 個願望就有機會成真啦」
話時話, 明年應該嘗試更早過來,
說不定給有線 黃曉盈拋中, 願望更加快達成喔!!
PS: SY臨走問:「廁所個廁字少咗一點呀!! (吓…咁都知? )」於是我即刻上網找…哦!! 原來沒有一點的是給強國人看的殘體字, (死…林村會唔會變成拖篋黨下個攻陷嘅地方??)
沒有留言:
張貼留言