2015年2月11日 星期三

【終於可以日日食】超抵!! $15「洪瑞珍」日賣600件 @九里香

洪瑞珍三明治, 我終於可以放縱任買任食啦!! $15 超超超抵!! 全靠「九里香」Vico 日日速遞抵港(我今日劈頭第一句就話:Vico你真係造褔仁群呀!!)


去年10月底, PMQ有唐詩詠賣$40洪瑞珍三明治七天, 當日我細細聲問唐:40蚊好似好貴喎!, 當時唐詩詠腼腆的點點頭笑了一笑. (其實我估可能PMQ要同唐平分利潤)




而「九里香」, 我是6號晚上Whatsapp Vico預訂, 他說11號便有貨, 預訂最少10, 可兩款口味, 或訂綜合(4款口味, 各三件) (我今日專登早餐都無食, 就係為咗洪瑞珍呀!!)


今日下午4, 走到銀城地庫, 發現店閘半關, 原來Vico到了地鐵站送貨, 氣來氣喘趕回來, 又立即要應付長長的人龍. (銀城都有人龍, 我真係第一次見)


「預訂最快14號有貨」,「無預訂今日只淨全麥, 原味」, 「無訂無盒裝啦, 唔好意思」「你訂咗嘅, 電話幾多號??」嘩!! 一輪狂風掃落葉式, 生意好到不得了, 但縱觀其他店舖則水靜鵝飛.


原來, Vico與拍檔早前是受聘銷售巴基斯坦茶, 但後來老闆決定放棄生意, 而Vico與拍檔Kit又非常熱愛台灣, 一年最少飛3-4次, 於是就決定頂了舖位, 開專門店幫人訂購台灣食品.



Vico忙於收錢答我:「台灣嘢好食, 又多款, 不過食用期好短, 加上我拍檔在台灣公司做, 熟悉台灣運輸, 於是米攪咗E度囉!」(我覺得你簡直係我救世主呀!!)


本來店舖生意一般, 自從唐詩詠引進洪瑞珍來PMQ, 亦同時帶旺了「九里香」, Vico笑笑口:「之前都有人訂, 但無咁多人知囉!!


本來中山洪瑞珍店每日批600件到「九里香」, Vico表示最近又不夠賣, 於是台灣方便答應由今個星期開始, 供貨至900件三明治. (!! 洪瑞珍真係威力驚人!!)


「九里香」是引入宣稱絕無分店的台中中山店三明治,  但當初唐詩詠引入的則是台北忠孝店版本, 所以, Vico:「台中店的人對唐詩詠當日掛了《洪瑞珍》招牌頗為不滿」(我諗情況就似香港譚仔與三哥, 鬍鬚佬與大家姐吧)


 「洪瑞珍」故事 :「洪宜杉」17步任糕餅學徒, 1947年於彰化縣北斗鎮開設一家「果子店」, 取名「洪瑞珍」, 其後洪家七兄弟集資分別於北斗、二林、台中開了多家分店, 所以彰化北斗"洪瑞珍"實為祖店.


最初各餅店只售糕點, 麵包等, 後來 1981 據稱台中中山店, 「洪宜杉」大哥的長子洪泰雄先生創出『招牌三明治』, 而其他店亦跟隨.



原來 「洪瑞珍」不是人名「洪瑞珍」店全部由姓洪的後人經營, 其實血濃於水, 又何必為分店與不分店而爭拗呢! 我只知台北店與台中店的 「洪瑞珍」放入微波爐叮10, 就好食到不得了.

「洪瑞珍」你今日食未咗未??

沒有留言:

張貼留言