維他奶叮叮麥精杯 有換趁手 @ Vitasoy

等到啦!! 等到啦!! 叮叮杯第三彈, 麥精版終於有得換啦!! 好感動呀…麥精今次終於有份啦!!

百佳, 惠康, 華潤萬家, 由1月9日至22日, 買滿$40維他奶就可以換, 或者7-Eleven(1月14日至27日)，OK(1月15日至28日)一樣可以.

我今日在華潤換, 店員說:「最後一隻啦!! 點解咁多人鍾意隻杯呢? 上次白色嗰隻又係, 一返貨第二日就換晒」

別人的原因我不知道, 我就是一個左儲右儲的人, 加上一系列都有收集, 無理由絶少推出精品的麥精VER. 不出手吧!!(其實我也遲了一日, 走去華潤前真的好驚無貨, 幸好還有貨呀!)

第一隻叮叮杯, 已經是2013年11月中的事情了, 沒有把手, 但換來一個塑膠蓋, 感覺沒有今次一套兩款的套裝特別.(霎眼就一年, 時間過得好快)

第二隻叮叮杯, 就是2個月前 (又是11月中), 的原味維他奶杯, 老實說, 有蓋應該會更加實用喎.

今次的麥精版是否終極系列呢? 暫時未知, 可能下個月再會有朱古力味版，紅豆豆奶版，奶茶版，或者最多人想要的是檸檬茶版吧!!

(圖片來源:香港2014年度)

PS: 大家有沒有飲過支裝的暖薑維他奶, 我記得某年工展會飲過一次, 一試難忘, 絕對刺激過「東張西望」安全主任大叫「睇住呀!」的衝擊, 好味到喊. 不過之後又無緣再遇上, 本人萬分掛念, 如果大家有任何發現，請留言告知, 感激不盡. 

大仁生活facebook