2015年1月23日 星期五

【我愛逛】青春●熱血的藝墟 @ HKU Art Fair

星期三, 我又去逛我最愛的手作市集, 今次是香港大學的HKU 藝墟Art Fair, 自從地鐵打通大學站之後, 由我家來HKU竟然20分鐘就到, 真的快得.


一起追夢一個故事
全市集最型, 最浪漫的一定是Rice  Sing 的黑白微縮皮具匙扣. 小背囊, 斜孭袋, 全部也是品牌的微型版本, 拉鏈接位竟然如同真實版一樣, 可以開合.

(相片來源:SIRIHOUSE)

Issey Miyake 這款格仔袋是Rice最新傑作:「其他款色我一日可以做到2-3, 但這個最花時間, 真係造到手都損晒, 每個格仔都係由4個三角形逐個黐呀」(仔細得我覺得Miyake先生, 絶對也要訂一個留念)


Sing主力做時裝及1:1的皮革:「微縮好難呀, 造唔到阿Rice咁細緻, 我又無心機, 成日造到一半就交返比佢, 女仔係好心機啲嘅」(對!!你睇個Celine袋...靚到...)


Rice的第一個微縮手作就是白色的Leica相機, 正到不得了, 原來Rice有度身訂造服務, 四日就可以起貨, 不知可不可以為我部a7也造一個微縮皮匙扣呢?


小情侶拍拖三年, Sing愛時裝設計, Rice則熱衷手作, 二人決定趁年青, 共同創立一個品牌, 於是年多前, 在新浦崗租下一個細少的工作室, 努力埋手為共同目標打拼.


小情侶表示農曆新年前也非常忙:「要趕好多貨呀!! 我忙到要係工作室瞓, 但一齊為理想, 辛苦啲都好值得...


忙還忙, Sing每晚仍抽空, Rice趕製一份情人節驚喜,「我車緊一條裙送畀佢呀, 希望佢會鍾意我特別為佢造嘅款色」(!!我爆了出來會不會無驚喜呢??)

一起尋夢的戀人, 很浪漫的一對年青創作人, 加油!! 成功在望.

一花一草一個故事

FeelingSelena的押花手作很大自然, 很生命, Feeling:「我主要做花, Selena就主力做草的創作, 所以我哋一個星期就要去花墟一兩次架啦!!


!原來全部也是真花真草, 難怪產品的真實感及感染力, 吸引到我來蹲下不停研究.


兩位拍檔是中學同學, 三年前重遇, 投契得決定於2002年尾, 合作攪一個品牌造手作.


Feeling更於上年到台灣學習押花三個月, 手飾盒就是她的得意之作,「因為盒面夠大, 掛飾太細, 有時唔係咁表達到當中意思.


Selena的小草擺設一樣好玩, 「密封咗嘅樽就唔駛再淋水, 開口嘅款式都係晒吓太陽, 久唔久淋少少水就得, 啲草最多只係會生多幾cm, 好啱Office種架.


一首歌一個故事

全個市集最多笑聲, 最青春, 最有生氣, 一定是三位港大少女合營的小攤位. (可能有主場之利, 不時有熟悉的同學前來打氣及支持, 非常人氣, 非常勁!!)


Shel數月前在學校的工作坊, 學懂「滴膠」飾物製作, 不過她說:「市場太多「滴膠」產品喇, 我想突出, 加上我又鍾意聽歌, 於是就諗到一首歌一個鏈咀的構思」


Shel一邊唱著五月天的{星空}「獵戶 天狼 織女 光年外沉默」...一邊說:「我最鍾意E首歌, 好感動」 這亦是Shel的第一件滴膠, 她說她最愛天藍色. (圖左手)


不過我問她:「(星空歌詞)...你來過 然後你走後 只留下星空...」是否她的戀愛故事, Shel又答:「哈哈!!也不是啦…」


Shel的同學Ceci, 因為兩個月前Shel:「一齊擺市集囉..., 於是便於Youtube上自覺煲呔. 問她為何會選擇煲呔呢?


她笑說:「因為我鍾意蝴蝶, 蝴蝶的花紋好靚...」其時另一拍檔Rose戲言:「係鬼..佢鍾意撲蝶吖麻」於是大家又笑作一圈. (究竟她愛與誰撲蝶呢?? 真想知道…)

Rose更犀利, 自彈自作自唱, 全能唱作人, 在市集賣CD, Shel亦有在CD中有份演繹其中一曲.

(相片來源:Rose&Lemon)

當日我買了Rose帶來的最後一隻CD, Rose開心的對我說:「啲歌我哋全部一Take過架, 希望你鍾意」


現在我一邊聽, 一邊寫文,  消失的青春又彷彿重回我身邊喎!!! 自己也似年青了20年一樣. Rose唱「說故事式」的抒情歌最吸引,  追夢的熱血, 連我這位阿叔也感受得到. (錄音質素已不重要)


Rose的網頁有歌曲的MV, (有影像更加吸引). 有機會我們一家就來「中環碼頭天橋」來支持妳們演出. :CD更加多人喜歡!!
https://www.facebook.com/roseandlemon


沒有留言:

張貼留言