人人都說日本的迪士尼精品最靚, 事實今次樂富的玩具展將不同地方的迪士尼玩具放在一起, 即時高下立見.
好簡單, 一個7年前的日本樂園紀念組合玩具, 已經靚過香港的多多聲啦!!
老實說, 中國浙江的第一個正版Hello
Kitty Land剛剛開幕, 縱使我熱愛大口仔, 但一看到園內大量簡體字, 又滿場「國內朋友」, (到時實嚇死我)…我情願繼續去日本玩那舊Kitty Land好過.
一看到反斗車王大富翁, 即時令我想到2年前, 參加迪士尼的復活節遊戲, 傻更更又給我們贏了這盒玩具,
一直與獎品無緣的我們, 當日阿太笑到連頒獎姐姐也忍不住 :「太太妳真係好開心喎!!」
這盒車王大富翁, SY不停玩足2年, 最近才被新寵UNO取締, 我問囝你還記得那盒棋的來源嗎? 他大大聲:「梗係記得啦!! 碌雞蛋麻, 去迪士尼贏返嚟嘅, 唔記(高八度聲線)…」(認叻你就一定唔會唔記得).
我最近迷上了玩日版TSUM TSUM, 同事也忍不住:「你當初又話唔好玩? E家仲玩得癲過我.」
當初我試玩英文版, 不過刺激, 又平淡, 原來日版有很多花款, 不停又有小遊戲, 新驚喜, 簡直玩到欲罷不能. 好玩得我有衝動…想整盒$2800 TSUM TSUM毛公仔買回家.
我這個汽水樽怪一見到玻璃櫃內的史迪仔樽, 即時著魔, 點解香港沒有代理嘗試入貨呢? 759林老闆如果見到我這篇網誌, 不妨考慮一下, 一定賺… 信我!!
玩具還是愈舊的愈有味道, 看著還比我老的米奇老鼠,
鼻頭的脫油, 一定是當年經常和小主人玩遊戲時弄髒的吧!!
如此美好的回憶, 那小主人又會肯遺棄, 或棄掉這個小米奇呢?
計我話可能也是玩具煞星, 他媽媽所作出的無情決定.
(媽媽永遠對玩具也擔當著武則天的角色喔!!)
我從前真的有過這對米奇老鼠「雪屐」, 中學搬屋時就給家母掉了,
不過, 那個鞋盒我則印象不大,
所以連盒收藏玩具, 才是王道.
而我20年前開始, 一件玩具也沒有拋棄過, 阿囝出世後, 舊玩具最多也是參與交玩玩具,
因為我不想SY將來有玩具的遺憾.
今次的迪士尼玩具展並沒有高飛, 但我經與阿囝爭拗, 高飛和布魯托均是狗, 為何布魯托不會說話呢?
SY:「高飛係人嚟架, 狗係四隻腳架麻, 高飛得兩隻腳, 人就梗係識講嘢啦...爸爸, 好簡單遮!!」
不知有沒有迪士尼迷可以解答我這個疑難呢? 因為我實在敵不過這位6歲的老積小朋友…嗚嗚!!
沒有留言:
張貼留言