阿太陀著SY時, 我們就開始食荔枝角道的「美味餃子店」. 食足7年, 上月8日餃子店細舖搬大舖, 我們昨晚第一次去新舖探盧老闆.
原來「美味餃子店」舊址又是在賣餃子, 格局與從前一模一樣. 不過, 正如翻版「Uniqlo+無印良品」的「名創優品」一樣,
我並沒有半點光顧意欲.
盧老闆的新舖正正就在原址後面的大南街, 下午5時左右只有十多名客人, 但一到晚飯時間, 人龍又圍在門口, 到9點依然大排長龍.
新店好大, 起碼是舊舖的3倍, 從前三張枱, 還要「偷雞」加枱放出行人路,
今後則不用再冒這個風險啦!
有熟客來到, 見門口又塞滿人龍，即時向店員講笑道:「點解搬大咗, 反而仲多咗人排隊架?」男店員回應:「無客時你無嚟之麻」
我對老闆說:「我哋2007年就嚟幫襯架喇, 當時你哋係米剛剛開呀?」誰知老闆答:「我哋2002年就已經開架啦!!」(我好瘀呀~)
從前老闆娘獨力日包5000隻餃子, 每逢晚上七點, 我最愛的白菜餃一定售罄. 現在有老闆幫手, 今晚8點, 竟然我還可以食到最後14隻清甜白菜餃.
老闆一邊忙於包水餃, 一邊說:「舖頭大咗, E家幫下手包多少少啦...」, 其實我覺得食韮菜餃, 太野性, 似陳法拉, 懶鬼如我則可免則免, 我還是愛清純的白菜鍾嘉欣.
跟老闆傾開舊舖, 原來他們不是加租而搬,
只是老闆一直想搬大一點, 於是一找到現址, 就將舊舖頂了給別人. (哦!難怪那店格局裝修完全一樣啦!!)
盧太包餃子的速度驚人, 從前舊舖愛邊食, 邊欣賞她平均5秒包一隻餃子的神乎其技.
不過, 新店廚房自成一角, 幸好今晚我得到老闆肯首, 入內傾談.(開心到不得了)
今晚遇上屋企樓下幫SY剪髮的姨姨, 原來她隔晚就來食晚飯, 「我屋企無煲湯, 所以嚟飲佢哋啲野葛菜湯囉!」(無錯! 我覺得正過家母煲的湯)
SY一聽到野葛菜湯, 即時答嘴:「點解E度啲野葛菜湯同出面飲嗰啲唔同味嘅? (咁邊度好飲D?), E度啦」可能這就是野葛菜湯和野葛菜水的分別吧, 總知能下火就兩者都一樣正啦!!
晚上8點仍然可以食到白菜餃,
簡直7年來第一次, 而我們更加多叫一份白菜煎餃, 今晚真的如抽中iPhone6一樣興奮.
其實, 這裡食煎餃, 再額外點一碗$18的野葛菜湯, 就是最滿足的食法. 因為來「美味」不飲野葛菜湯, 就似去日本不到新宿一樣, 總是有點遺憾.
而且這裡食水餃, 又一定要配盧太自家制的「辣醬菜甫」, 這絶對是頂級享受. 不過, 個人覺得不能配煎餃, 否則有點似杜如風過檔了TVB22:30時段一樣, 格格不入, 還給網民罵作曬命港女一樣.
我問SY喜愛湯餃還是煎餃呢? 他說:「煎餃, (點解呀?), 因為啱我風格. (吓??~忍住笑再問: 「你係咩風格?」), 就係鍾意煎餃再飲湯嘅風格囉!!」囝...你得6歲人仔...都要講風格???
沒有留言:
張貼留言