2015年1月30日 星期五

【試食篇】心有靈犀鳳梨酥 @維格餅家

某天...我到久違了的「新台場」買鳳梨酥, 我問店員:「邊款最好食呢?, 店員:「維格啦!! 不過無晒貨, 你留電話, 返貨通知你」(心想:真的如此好賣??...好想食喎!!)


一個星期後, 突然收到有台灣餅家電郵, 問我有否興趣試食賀年禮盒, 免費當然立刻答應, 再望清楚...


!!竟然就是「維格餅家」, 忽然覺得與她很有緣, 莫非新一年新開始, 果然心想事成?? (早知諗中六合彩啦!!)


由於禮盒由台灣空運給我, 其間我又心急, 於是就一心走上銅鑼灣誠品十樓, 看看實物, 先睹為快.


店員阿Ling輕聲說:「禮盒暫時只接受預訂, 2月中先有現貨」, ! 原來香港未有現貨.


這個時刻, 小朋友竟然如獲至寶說想食爆谷, 我就用「睇戲先食爆谷架喎」為理由, 竟然又給我過了關!! Safe... 哈哈


店內設有試食...有南棗糕,  鳳梨酥, 及黑芝麻杏仁糖...(不過略嫌切得太細粒)


Ling見阿囝悶悶不樂的等我拍照主動問SY:「你想唔想試食南棗糕?」阿囝滿心歡喜食完後竟然要求再添食...(會唔會貪心咗少少呢?小朋友...)


我叫他記緊南棗糕的包裝, 下次來就不會買錯, 他又真的很努力在望喎


終於我的試食禮盒送到家了. Yeah!!! 


現在台灣的包裝, 可以媲美日本, 羊年禮盒, 每一盒也有不同的卡通羊仔, 真的未拆盒先興奮!!


急不及待先要試食期待已久的鳳梨酥, 這不是土鳳梨款式, 所以味道輕鬆得多, 不過就少了一絲絲的菠蘿纖維...


阿太一邊食一邊說:「好食過你上次係新台場買返嚟嗰啲多多聲啦!! 起碼外皮唔會厚實實」



原來包裝寫內含鳳梨醬, 及冬瓜醬, 怪難這種香味似層相識, 就是我最愛的老婆餅味道.(自從老婆餅加價上$7, 我也很久沒買...好貴)


包裝又建議, 食用前先用微波爐加至微暖, 我又試叮十秒, !! 原來暖暖地食,內餡會變得更加軟, 真的好食好多. 簡直如Whatsapp可以用電腦回覆一樣, 超正!!


鳥結糖與南棗核桃糕, SY要食上次Ling姐姐請他吃過的一款,  我問:「點解你唔鍾意鳥結糖??」 他食得好開心地答:E個軟冧好食好多」


相比「鳥結糖」是硬身一點, 禮盒內的「牛軋糖」相信已經是改良了的減甜款式不過, 對不起, 免費試食都想說真話, 灣仔「ABC餅屋」的鳥結糖帶來的滿足感大一點.


趣豆有三款味道「梅」、「雞汁」、「Wahsabi」. 而不要看少芥末味, 真的很夠辣, 我只能一粒一粒食, 梅味不夠突出, 反而May姐最愛的雞汁味, 我昨晚一邊寫文, 一邊吃, 不知不覺間竟然KO了整包. (吓!!無晒喇???)




沒有留言:

張貼留言