網頁

2015年1月22日 星期四

【終於開張】搭的士去食菠蘿包 @ 759麵包工房

759麵包店》終於在吹風吹足2個月後, 今日正式開幕!! 位於牛頭角樂華南邨, 非邨民的各位要食759麵包, 要走上山頭, 真的頗隔涉.



懶惰的我又不想行, 於是坐了$30的士, 走到展華樓下的「麵包工房」, 可惜為時已晚, 麵包櫃內空空如也.




我問師傅會不會再有麵包出爐? 他忙左忙右, 又為我打開兩個焗爐答:「有有有...要等一等紅豆包就得...五分鐘後有菠蘿包」


等待期間, 我又向店員八卦一下今日情況, 女店員一邊包裝一邊說:「嘩! 成身散晒, 今朝多人多到真係幾乎地板都踩爛」(咁誇張??有冇人等開門呀? 「有呀! 你點知嘅??


原來麵包店7點半開門, 她們6點半就要回來準備, 「真係無諗過今日咁多人, 可能第一日掛, 尋日我哋抹櫃, 抹枱都已經好多街坊講定話會今日嚟, 估唔到半日就掃晒啲包」


不久師傅端出熱騰騰的紅豆包, 大大聲道:「紅豆包新鮮出爐呀吓!!」一股暖流跟隨師傅由廚房飄到店內各人即時一窩蜂的堆在櫃前夾紅豆包.


其實, 我不愛吃紅豆, 但在揀無揀的情況下也一起齊齊襯熱鬧夾夾包.


我請店員幫手一開為二, 目的當然就是拍照. $6.5 會員卡還有9, 真的抵過凱施多多聲.


新鮮熱辣的紅豆包, 為不時噴出暖暖的蒸氣, 麵包與饀料的比例超越多間「連鎖」麵包店, 出爐不足30秒的麵包, 吃一口即時有OnePiece草帽團眾成員齊齊高舉左手, 面向大海許下承諾的感動.. 


因為師傅說五分鐘後就有菠蘿包, (我說如果可以快少少就更好...), 所以期間我又買了一排8片裝的吐司.


店員說:「一共有11款味, 最貴綠茶 ($14), 剛剛出爐就係E啲蕃茄, 仲有洋蔥, 甘筍, 南瓜紅梅, 今朝早齊晒款架, E家得返幾款咋」


付款時女店員好好心的提我:「蕃茄好食架, 一包仲可以食到三日!!」街坊小店就是有這份人情味交流的好處.


真的沒有買錯, 這款蕃茄粟米吐司, 雖然蕃茄味不太濃, 但每片也最少有4-5粒粟米, $12還有9, 絕對等同購票入場看《復仇者聯盟》, 大堆頭大製作, 抵抵抵!!


最後, 說好的菠蘿包終於登場, 這裡的不是傳統圓形菠蘿包, 不知是否在我的催促下, 菠蘿包出爐少了一點光澤. (希望不是我累的事!!)


我又要求店員代切, 但店員好心提醒:「我怕包上啲脆皮會散晒」我說無問題, 你放心落刀吧! 我很開心她會如此細心照顧客人的口感


都是也一句, 出爐熱辣辣, 任何一款包也「無得輸」, 而且今次的包更是我催出來的呢!! (雖然今日賣相真的差少少...)


事後店長說:「今日出爐數量確實未能估計得最好, 聽日一定會加大麵包數量, 希望到時放工嚟嘅朋友唔會再無包揀啦!!


!! 專誠走到麵包店, 發現麵包櫃空空如也, 感覺比較進入泳池更衣室後, 才知道忘記帶泳褲更難受喔!

沒有留言:

張貼留言