2015年1月29日 星期四

【懷舊街頭小食】潮州冷糕!! 每日限賣40底 @ 油麻地

相關網誌:【懷舊街頭小食】夜冷舖賣冷糕 @ 九龍城

同事上個月問:「大家有冇食過冷糕呀?(讀音:【織「冷」衫】個「冷」), 我聽也未曾聽過, 更何況食呢?


冷糕是「潮州」甜品, 類似砂糖夾餅班戟, 50年前香港街頭小食, 一聽到集體回憶, 愛懷舊, 更愛班戟的我登時發誓 :2015年我要食冷糕


同事說:「澳門下環街好似仲有得食, 香港就好耐無見過啦」我本來已計劃過澳門, 誰知皇天不負有心仁, 竟然「飲食男女」介紹油麻地廣東道每日都有師傅造冷糕.


師傅每日由黃昏5點開業, 他純熟的在平底鑊注入蛋漿, 一面說:「每日梗架啦40幾底, 5點做到7, 不過好多時六點十就賣晒」. 所以每日傍晚, 聯豐藥房一定有一條2小時的人龍.


為甚麼不多制點蛋漿賣多些呢 ? 師傅豪氣回答:「我仲要賣餸返屋企煮飯呀! 我老婆, 仔女唔駛食飯咩??」果真鐵漢柔情喔.


師傅的閃電手, 上下兩個電爐同時煎制兩底冷糕, 時間為傍晚615, 師傅大叫:「我驚唔夠蛋漿, 排最後嗰位小姐, 麻煩妳幫手叫人唔好再排隊啦! 唔該晒」


師傅用竹籤將煎了約2分鐘的冷糕挑起放涼, 我猶豫為何不用秒錶計時呢? 「造一底4分鐘, 咁多年, 仲要睇錶? 你好似記者咁多野問嘅」(性格愛八卦…得罪!!得罪!!)


我表示想將冷糕放上網誌介紹給網友, 師傅將剛才的平底鑊放在凍水冷卻, 又再注入蛋漿:「你遲咗啦, 啲人一早放晒上網喇, 蘋果上個月聖誕都嚟咗, 講晒架喇」 (好嘢唔會遲啦!!)


師傅為剛才煎好的冷糕灑上砂糖, 芝麻和花生粒, 我問:「三樣餡料都係現成買架?」師傅望一望我 :「芝麻係我自己炒嘅


然後師傅又用鉸剪將冷糕上下剪少少, 疊接成半圓形, 完美的潮州終於完成了, 我問師傅怎樣稱呼 ? 他為冷糕放入紙袋, 遞給客人:「記得打平食呀人人都叫我夾餅佬嘅(那我應該是寫Blog多多指教!)


就在同一時間, 一名姨姨經過問師傅 :「喂! 阿宙, E家排仲有冇得食呀?」師傅輕輕聲答:「應該今日都唔夠賣啦



原來宙師傅2007年就已經在吉之島賣雞蛋仔, 斷斷續續至2009就過來藥房門口賣冷糕, (要否要拆帳?) 宙師傅:「我老友嚟架, 如果要分, 我做唔架啦, 無得做呀!!(事實成本一加上舖租, 每底冷糕賣雙倍價錢都可能分擔不來!)


$10一底潮州冷糕, 簡直超值, 外皮脆脆的冷糕, 與我最愛的班戟相比, 更加了一點層次感, 而且內餡軟綿程度更勝班戟.


宙師傅氣定神閒 :「教你啦返屋企放入焗爐焗返熱, 加兩塊牛油包你仲好食呀!!(旁邊女士: ! 肥死咩)


宙師傅直斥:「點會肥呀! 你知唔知我啲蛋漿唔落油架, 我用幾多隻蛋你知唔知? 你估我好似出面啲人慳個幾隻蛋, 落鬼咁多油(師傅氣勢一時無倆)


發現食冷糕最好平放後用少少力, 壓一壓, 蛋糕就會吸住入面三種餡料, 食上來餡料不致散落一地, 而且更加入味.


宙師傅的冷糕, 蛋香濃郁得似會食上癮一樣, 四個字:人間美食. 今晚18:40就完售, (點解愈來愈早??) 難怪剛才前面人人也要買三底下次我識做啦!! 


大仁生活facebook

8 則留言:

  1. 回覆
    1. 唔好意思, 這是一年前的文章, 文章出街後, 宙叔被食環趕走, 現在我也不知道他搬了那裡.

      刪除
    2. 另類潮州冷糕餅(印尼風味)
      FB: Toko Terang Bulan - Hong kong
      FB: Toko Terang Bulan - Aberdeen
      Openrice: 三叔小食 (closed)

      刪除
  2. 今日都買到,好好食

    回覆刪除
  3. 今日都買到,好好食

    回覆刪除
    回覆
    1. 我想問問...是否重開? 同一位置的藥房?

      刪除
  4. 請問宙師傅依家搬左那裹

    回覆刪除
  5. 仍在廣東道833號 但不是每日都開

    回覆刪除