期待個半月的第十屆麥當勞「兒童愛心馬拉松」終於起跑啦!!
本來11點45分的開幕禮, 因為我懶床關係結果1點才到達現場.
其實, 我們2點起跑, 所以我才大安旨意慢慢來, 不過當時容祖兒已經上台致詞完畢, 同時麥當勞叔叔四人眾竟然難得齊集台前, 我好好好想上台集郵呀!!
不過, 我當初怕太早, 所以沒有登記跑10點鐘第一場, 奇怪的是: 為何起步禮會是1點半才開始呢?
阿太理直氣壯:「明星邊有咁早起身呀?」...是這個原因嗎?? 我還以為明星不用睡覺吧!!
之後還未起跑, 我們換衫後又周圍拍照,
今年首次有扮麥當勞叔叔的紅白間條襪, 只要捐$20就有...
有襪當然有鞋, 不過, 麥當勞叔叔的大紅鞋不能買, 只能借給小朋友穿上拍照. 非常攪笑, 明年第十一年, 可以考慮推出限量麥當勞叔叔鞋, 著住跑一定更加正呵!!
現場大量小朋友不停跑來跑去, 聽得最多的便是「媽媽!
幾時可以跑呀?」家長:「影張相先..嗱嗱嗱!企好先....相機係邊?? 望住笑啦..」
哈!!這真是做家長的必經對白.
我幾乎每天都要念足十次以上...
不過我懷疑愛拍照的基因可能要成年後才會產生, 我當年小朋友時代也真的不愛被照喎, 今日當然每日「唔影唔安落」吧!!
差不多時間集合了, 我們準備一年一度的跑馬地馬拉松啦!!
哎呀!! 今年麥當勞叔叔不再走到隊前扮起跑呀!! 他變了啦啦隊, 與大會工作人員為我們歡呼,
其實我想他也落場齊齊跑, 一定連每一個小朋友也開心好多.
今年參加人數很多, 相信一定又再破大會記錄,
2012年有4000人參加, 去年首三天報名人數己經超過7000人, 今日第二場的號碼牌已經7500...(其實有衝動想買部航拍機, 明年帶來影喎...)
所以, 由看台行出沙圈真的有點似行年宵, 多人多得舉步為艱, 連SY也說:「咁多人, 不如企一陣先行啦...」
當我們一步出沙圈, 終於可以跑啦...阿囝最開心...不停叫我們兩老 :「跑啦!! 唔係行路呀...要跑架..你嚟捉我啦...」
很久已經沒有跑步...哈!! 其實上一次跑就是一年前的「愛心馬拉松」啦...
捉住了囝, 難得中場有拍攝景點, 叫他停一停步, 拍拍家庭照, 阿囝很不情願的, 因為, 他不想停下來, 一直嚷著要跑要跑.
為何這位小朋友的體力可能無窮無盡呢?? 我已經快斷氣, 他還可以氣定神閒的跑呀跑...
經絶沿途工作人員溫馨的打氣:「加油!! 加油!!」 今年馬拉松又順利完成.
一年新開始, 2014年實對我來說絶對辛苦到爆炸,
希望今年大家都可以衝得更加順利, 跑出更如意的365日. 麥當勞叔叔出年再見啦!!
(老啦!!寫文的當晚, 雙腳已經極速酸麻痺痛啦!!)~2公里都腳痺, 笑死人呀...
沒有留言:
張貼留言