我們一家三口, 今日高高興興執好家中兩大袋玩具,
走去奧海城與其他小朋友齊齊「換換玩具」Swap & Play.
2點半左右我們到達奧海城一期, 換玩節目已經開始, 首先當然要將帶來的二手玩具交給工作人員計計分.
場內每份玩具會分為1-5分, 我們今次帶來了共42分的玩具, 所以SY今日可以慢慢揀. (我當然想他換取超微型的玩具帶回家啦)
我以為周末太早沒有小朋友來, 原來工作人員說:「未到兩點已經有大批小朋友在排隊啦, 一輪狂風掃落葉, 好多大大盒玩具都被人開開心心帶走咗啦」
大量玩具放在眼前, 埋頭努力揀玩具的小朋友,
個個兩眼有神, 可愛到不得了.
今日重複出現次數最多的玩具...燈燈燈凳...工作人員宣佈…就是人氣大熱Let it go ~Frozen對講機!!
SY揀了兩份玩具, 我示意他到旁邊的小枱小凳玩一玩, 看看是否真正喜歡.
現場有小朋友即場玩玩具, 嘻嘻哈哈, 開心到不得了, 正正就是我最愛 Toy Swap Day 的原因.
因為玩的過程中, 一定可以結識到新朋友,
而且又可以感受到分享玩具的樂趣.
結果, SY與三位小朋友齊齊興興奮奮與Thomas車玩遊戲, 氣氛非常.
交換玩具最樂於看見自己的玩具可以被人領養回家, 感覺多好!! 本來擱置在家的玩具, 有機會又再被人興高彩烈的使用, 自己又可以換到別人的玩具,
非常好的資源分配活動.
工作人員Cherry (右) 說:「頭先活動未開始, 奧海城畀咗15, 16箱玩具我哋! 嘩!真係好多, 就連大人玩嘅精密眼鏡尋寶套裝都有, 仲要好大份添!」
我問Hazel (左) 那份玩具你覺得最靚呢? 她答:「怪誕屍新娘扭蛋...我都未擺好就被人換走咗啦」
Cherry說:「我就覺得嗰把Star Wars劍最勁!! 真係人咁高架」 無錯!! 我家的SY就是看中了這把高過他自己的Star Wars劍.
小朋友整晚不知多雀躍, 不停說:「嘩! 你睇我把劍~幾靚!! 我真係好開心…係米好勁呀!!哈哈哈~」
PS: (12月28日)今日都一樣可以來換玩玩具呀!!
[ ohmykids ] x 奧海城 聖誕換換玩具日
日期 | 2014年12月27日 (星期六)及28日(星期日)
時間 | 下午 2 時至晚上8 時
地點 | 奧海城1期高層地下大堂
日期 | 2014年12月27日 (星期六)及28日(星期日)
時間 | 下午 2 時至晚上8 時
地點 | 奧海城1期高層地下大堂
相關網誌:
沒有留言:
張貼留言