北角有新口味!! 上網找到信報介紹「素食.分子」, 一間來頭不少的新派齋舖, 竟然由11名食肆老闆(飲食分子)合資經營, 難怪店舖大得緊要.
這裡開業只有7個月, 聞說11名老闆各從事不同菜式的食肆, 星馬, 日本, 車仔麵, 台灣牛肉麵, 分子雪糕...
所以餐牌內有齊不同的餸菜可選擇. (但老闆都11人, 很難想像會沒有爭拗呢!)
招牌併盤五小碟是店員推介的, 我最初以為夫妻肺片真的是薄切牛肚, 當然全部也是齋, 麵筋也入味到不得了, 椰菜沙律又夠開胃, 日式麻醬豆腐竟然被SY一人全KO了. 「清碟」速度極快.
原來沒有火腿的夏威夷薄餅一樣惹味, 小朋友愛吃薄批, 可能貪餅底脆卜卜, 這裡的薄餅又熱又香, 如果是厚批的話, 我會給一百分.
芝士飯波波, 外層炸得脆脆, 再釀入濃濃芝士味的飯, 一啖份量剛剛好, 絶不膩不漏, 當然因為配上沙律醬更加好味道.
其實, 今晚我們還點了福建炒飯及炒金邊粉, 賣相一流, 不過, 我覺得普普通通, 不太驚喜.
壓軸上枱的黑松露蘑菇包, 外型一絕, 拿上手根本就是一個扮大冬菇的包, 包面灑上朱古力粉, 驟眼看真的以為是冬菇.
剛剛蒸出來的包, 非常非常鬆軟, 欲罷不能, 好食到停不到口. 餡料有菇, 松露, 薑粒, 真心覺得好好食. 由外形到味道, 贏晒!!
吃完正餐, 本來想吃雪糕, 但原來店裡只提供分子雪糕, 基於自己有點抗拒太硬太凍的分子雪糕, 所以, 我們只是點了傳統甜品.
朱古力松露波, 上枱情況與之前的芝士飯波波極為相似, 朱古力味很濃烈,但不算太幼滑, 但可以感受到微微的一片一片掉入舌頭的情況. 不錯, 但不是很特別.
最後就是《甜品拼盤》, 當中的《芝士餅》最普通,
不過我愛《木薯》實在的質感, 甜甜地而且黏黏的感覺很合我胃口.
《蘋果金寶》更是我的最愛, 脆脆包圍住的暖暖鮮蘋果條,
再配雲呢拿醬, 甜甜少酸的感覺, 只可以用兩個字來形容: 正!!
沒有留言:
張貼留言