阿太說:「去喜喜冰室試吓啦, 我見好多人都食《雞批浮台》」銅鑼灣喜喜冰室有兩間, 我們今晚去了新會道分店.
其實本身不感興趣, 因為對扮懷舊的餐廳有少少抗拒.
「喜喜」裝修成70年代的舊式戲院隔局, 個人主觀覺得扮懷舊, 食物水準可能有所保留.
結果, 我們點了肉醬意粉, 絕對普通貨色. 不過, 店內有一名店員令我改觀.
一位與別不同的店員「杰佬」, 由加寧街總店調來, 分店生意即時上升, 全因為他的熱誠, 及用心. 你很難會在其他餐廳找到像他一樣投入的店員.
「杰佬」很懂掌握小朋友心理, 他看到阿囝只顧玩手機,
於是就說:「小朋友你乖乖趁熱食熱先,
唔好玩手機住, 食完叔叔即刻送一個玩具畀你」結果, 阿囝真的脫胎換骨, 9秒9極速完成.
我們沒有吃雞批浮台, 因為倆也不愛雞批及青荳蓉湯,
不過,「杰佬」推介我們吃雞骴西炒飯.
他說:「我哋啲雞骴係特別秘制,
醃制後會好似燒鴨咁, 倒轉掛起風乾, 所以雞骴啲肥油會滴走晒, 總知包你話好食」
「杰佬」說得一點也沒錯, 大廚真的特別處方趕走雪味,
而且雞骴炸出來火喉恰到好處, 肉有肉汁, 雞皮更加正到不得了, 特別在真的一點肥油也沒有, 不計價錢的話, 絕對較九龍灣「日月星」更加好食.
時間將近9點半, 「杰佬」說:「因為十點後就無晚餐, 但係餐湯又多咗, 介唔介意送碗湯你哋飲?」貪心的我又怎會介意.
阿囝:「好飲呀! 又有菇菇同餅乾」這碗餐湯真的非常足料.
最後「杰佬」送給阿囝一個繩圈小玩具, 向兩邊拉膠圈會發出「BB」響聲, 有得玩阿囝不知玩得多高興. 「杰佬」向我分享育兒心得:「小朋友真係唔好成日掛住打機, 我個囝又係, 應該多啲玩下其他有益嘅活動仲好啦.」
我對「喜喜」令眼相看, 除了她的雞骴外, 絕大部份理由是因為「杰佬」, 如此一位如同80年代有血有肉有的店員,
簡直是「喜喜」的靈魂所在.
臨走時「杰佬」笑笑口跟我說:「下次嚟再傾過啦, 記得我係同當年新紮師兄梁朝偉一樣名嘅杰佬呀!!」又親切又風趣的叔叔,
我又怎會忘記你呢! 「杰佬」你好嘢!!
沒有留言:
張貼留言