2014年12月6日 星期六

大南街地攤~我愛人情味 @ 深水埗情懷

昨日我又去逛我最愛的手作仔創作墟, 今次是第三屆「大南街地攤」活動. 上兩次是街頭地攤形式, 今次則移師室內, 分別於大南街, 基隆街, 及南昌街三個吉舖同時進行.


有份推動「大南街地攤」的Rex解釋, 地攤由擺街邊, 變為搬入舖頭,因為上, 擺到下晏3點幾, 食環就嚟趕, 無辦法唯由中止, 的確掃興, 所以今次就係區內同三個吉舖嘅業主傾, 租用舖位一日囉」



Rex表示, 現在正與市政傾談, 希望明年第四次「大南街地攤」可以於南昌街公園舉行. 今次搬入舖頭, 個人感覺原始一點, 攤主不怕被趕, 但買家則感到沒有街頭選購般自由.


今日, 我首先被一個木制小手袋所吸引, 主打木制飾物的Freya:「係呀! 幾多人鍾意, 所以只買剩一個」原來工場剛剛有這款木盒的模, 於是Freya就將它改良成手袋, 並加上自家設計畫案, 好靚!


不過Freya說香港人比較愛細小的飾物, 「耳環係最受香港人歡迎」. 原來Freya玩創作2, 已經擺檔超過20, 「我剛剛參加完澳門民政署舉辦的《塔石藝墟》, 好好玩」


原來《塔石藝墟》$100 租檔三日, 還包免費住宿青年旅社, 真的是一個不錯的選擇.


Freya表示自己鍾情設計三角形木制飾物, 因為市面少見, 夠獨特. 而我就覺得對她的俄羅斯娃娃好得意, 好靚.
Facebook: Wood Soda


Freya對面有不愛單一創作的Kenix, 她說:「我比較鍾意併配, 例如羊毛氈配杯墊, 又或者放入戒指托內作一個小裝飾」


無錯, 小戒指內面有羊毛氈小甲蟲, 配在布製盆栽上, 簡直一流.


除了善長羊毛氈, Kenix還有主攻布製產品, 她說:「我自己覺得台灣啲布料好過香港, 兩個比較好明顯台灣花紋又靚啲, 質感又好啲架」


Kenix推介台北車站後面有一條街如同深水埗一樣, 有大量適合手作人士的原材料購買,「我上年一年去咗4次台灣, 我實在太鍾意去台灣入貨, 因為啲料真係好靚」


另外阿Joan Elaine的創作非常民族色彩, 戟絨, 水晶, 合金鏈...


不過, 我覺得最吸引我注意的就是阿Joan前面的結他Pick, 每一款也特別再配上金屬配件, 很有搖滾味道. 八卦一問, 原來阿Joan以前也是玩結他, 如果以她的創作如此樂與怒, 不知當年她是否走重金屬路線呢?
Facebook: J.Bazaar


逛完兩間店舖, 最後就到南昌街的A, 這裡有一位我在10月頭, 於旺角佔領區認識的一位很有理想的年青插畫家, PakTo.



當日他用畫筆記錄生活, 今天他就用10分鐘為街坊掃描, 他說很難忘上次10月份「大南街地攤」, 幫過一位客人畫畫, 今天他竟然送上一幅當日的黑白照給他.


這種舊區的街坊人情味真的很可愛, 這亦是我愛逛地攤的原因之一. 看到PakTo你今日的笑容, 我想你的心願很快就會完全實現了.加油呀!!
Facebook: Yupakto's Art


臨離開前, 我看到門口有檔主帶同兩隻愛犬一同擺檔, 我又口痕問Cathy點解, 原來她的拍檔阿B熱愛古董錶, 所以帶埋DonDon同妹豬齊齊支持支持.


三間「大南街地攤」店舖, 我暫時只見阿B一人賣古董錶, 我問阿B會不會有特別原因呢她答:「我之前就鍾意儲古董, 搵搵下就發現古董好靚, 於是就開始主力搵古董錶」


B很犀利, 因為曾經將錶拿去沫油, 結果被收數百元, 於是把心一橫, 上網自學, 現在全部錶都是由她自已拆開沫油的. !!


B手上的保路華, 就是一次偶然機會下, 尋錶時最最最一見鍾情的寶物, 她說:「錶形已經吸引, 背面又係金,  E隻保路華暫時應該唔會賣, 除非個客出好高價錢啦!! ~~
Facebook : Beyork Fong


千金難買心頭好, 自從轉了一份極少假期的工作之後, 我已經很久沒有再試過執到寶的感覺了.



因為趕返工, 所以昨日也只是走馬看花,  晚上再聯絡Freya, 她說下午人流不錯, 生意也很好,  手作事業不易為, 希望每檔檔主也受歡迎, 愈來愈多手作攤檔給我逛!!

沒有留言:

張貼留言