2014年12月9日 星期二

平日都要排隊3個鐘 @Lcx 姆明 Moomin Café

上周六, Lcx姆明Moomin Café新開張第二日, 我們上午11點半到達, 當時須輪候60張枱,店員說大約需時4小時, ?? ...只好唯有放棄.


結果, 心有不甘, 今日(星期二), 專登請假來朝聖, 以為平日無人, 誰知一樣要等62張枱. 原來姆明如此受香港人歡迎.



等候時間我們到了旁邊的POP-UP STORE逛逛, 點解近扶手梯位置及Café旁邊都各自有一間POP-UP STORE??


場內還有六個姆明印台可以免費給客人留念其中一個印台很隱蔽要走到Lcx盡頭Starbucks旁邊喎.


無聊走去問問門口的店員, 她說:「今日我哋3個鐘派咗330個籌, 星期日仲癲, 門口圍滿晒人.」時為下午4, 女店員續說:「我哋今日唔再派籌啦, 因為怕10點收舖都做唔晒啲客」


終於, 我們由1點半開始等, 輪候時間足足180分鐘, 我們4點半可以入場啦!!這是我吃過所以主題餐廳等得最耐的一次.


一進入餐廳裝修絶對落本, 場內設計得十足十卡通片姆明屋企一樣, 木枱木椅木欄柵, 餐廳近收銀位置更打造一個小木屋, 正正因為有卡通片作藍本, 所以這裡較APM 的熊本熊Café投入感更強.


史力奇, 亞美及姆明平日傾心事的小橋, 正正就設在門口位置, 一定是等著大家也去坐坐談談心.


姆明之家熱香餅必必必食, 因為就是賣相已經非常主題. 望著姆明的三層大宅, 就連大大隻史力奇也想食一片熱香餅喎.


姆明的三層大宅中, 每一層也盛有不同的配料, 朱古力慕絲, 布甸, 及芒果果凍, 不得了的好食, 反而不是太特別的熱香餅, 一配上出色的三寶, 愈食愈回味.


因為阿太愛亞美, 所以隨熱香餅附送的小陶瓷公仔, 我們揀了亞美.


之後的吉之醬姆明芝士蛋糕, 味道勝外觀, 輕輕的芝士味, 反而吃了整個姆明也不會太膩.



略嫌賣相有點流淚眼的可憐感覺, 好像有點似姆明在叫:「唔好食我啦! 不過阿囝竟然問樹精要不要吃一口, 真的有點殘忍呀!!


阿太要返工, 不能來姆明家玩, 所以, 我們扮樹精, 捧著亞美給她羨慕一下.


我問店員為何網上看到有史丁奇, 及史尼夫等公仔, 但今日卻不見他們影呢? 原來, 因為過去4, 部份公仔被客人弄髒了, 所以要拿去乾洗, 故此今日餐廳內的公仔少了很多喔.


場內食客非常好人, 主動借出位置給我們來一幅全員大合照.


因此, 這枱便忽然變成地標景點, 吸引了不少顧客上前集郵, 我真的不好意思, 連累這對小情侶要延遲進食.


原來姆明Cafe在日本已經有11 年歷史難怪香港分店的氣氛及環境好到不得了. 雖然今日少了主打「姆明家族成員每張枱都有一位陪你坐」但一樣令人愈食愈快樂.



90分鐘限時進食, 經驗告訴我一定不會超時, 但因為今次要全套集郵關係, 我還是第一次被提示結帳離場喎.



有小朋友在極不願意下跟姆明說再見, 當重返Lcx的現實世界, 他竟然說:「爸爸! 我好唔捨得姆明, 之後便立即濠哭起來. !! 奇怪小朋友你好像只是第三次見姆明喎




沒有留言:

張貼留言