2014年11月7日 星期五

Hello Kitty Go Around 40週年慶典 玩足3個鐘 唔捨得走 @ 九龍灣國際展貿中心

停辦一年的Hello Kitty九龍灣展覽, 我們斷斷續續也來玩了三次, 今年要多謝WeShare.hk送票給我們來玩!


(2004, Hello Kitty三十周年「Hide and Seek」仍在藝術中心, 當年因為場面混亂到要報警, 之後我們玩了2008年《Black Wonder, 2009年《Kitty Lab, 2010年《Who's the Next )




Hello Kitty 40周年:Hello Kitty Go Around!本來往年慣例也是暑假舉行的, 今年要配合111 Kitty 40大壽而變成年底才舉行喎!(不過有得玩, 懶理夏天定入冬啦).


其實, 今次我最想購買限量版八達通卡, 可惜...一早已經售罄, 心情登時一沉.



我們約下午5時到達, 閒日的星期四, 展覽場館不算人山人海, 但也較我預期中的多人. 快快走入嘉年華世界,  在6個主題景點, 與Kitty玩遊戲啦喂!!


阿囝不是太高興, 因為他的最愛布甸狗, 出場比率非常少, 沒有辦法吧, 連我最愛的大口仔一樣只能靠邊站喔.


首先是一個玩具店, 將所有Sanrio主角變成小玩具的拍照區, 我當然要找我最愛的大口仔出來啦!!


之後就是蘋果許願神社, 小小一個場景, 點解可以扮得如斯似模似樣呢?


就連阿囝也被真實的環境感染, 似為真的可以向蘋果神許個願喎.


兩邊的紅蘋果燈籠真的靚到無朋友.


最後還有兩位扮成巫女的姐姐與小朋友合照留念, 單單就是這林樆社的部份就已經值回票價吧.


Hello XO , Hello 熊貓, 連續兩日也與你們見面喎!! (詳情可瀏覽: XO偶像原來係葉蒨文?? @葵芳新都會)


Sanrio Friends 特急號, 阿囝第二最愛的蛙蛙就在後座, 所以阿太就變成搶鏡婦人了


阿囝拍照後說想玩, 因為他以為特急號真的會出車, 後告訴他只是拍照場情, 他即時變得極失望, 老實說, 我最初也以為可以左右搖, 或玩1-2分鐘的喎.


另一個最最最攪笑的拍攝景點, 一定是人肉夾公仔機, 你可以走入公仔機器內, 變成被人夾中的公仔, 準備跌出來啦!! 


Hello Kitty 摩天輪上面有大口仔坐在轉轉轉, 其實我也想齊齊坐, 不知不算太肥的我坐上去, 摩天輪還可不可以轉呢?


Hello Kitty 回憶花園也是一絕, 特別對我這些「老餅」來說, !! 放大了十倍的1975年浪漫計算機呀!!


大紅書包較印章套裝吸引, 這款印章的大口仔版本我家還有喔!! 集體回憶的角落, 最合適熱愛懷舊的我, 不過阿囝就愛看「Sanrio電影日與夜」, 本來三分鐘的短片, 他竟然可以看足10分鐘也不願離開. 因為有他最愛的布甸出來學寫字呀!!


每張入場卷可以換紋身印水紙, 或明信片, 或還一次攤位遊戲. 阿囝揀了紋身, 不過姐姐好好人, 她說:「如果你聽日要返學就唔好浪費, 攞返屋企第時放假先印啦, 因為印水紙可以洗2, 3日都唔甩架.


於是阿太勸囝星期六才印, 但阿囝答:「星期六放兩日假咋, 姐姐話三日都未甩喎, 都係留返長假期先玩啦!!


展場有多個攤位遊戲, 勝出真的可以獲得靚靚公仔一個, 不過, 其實遊戲不易玩.


$100可以玩5, 不過眼見有男朋友玩了近十次也未能為女友贏到公仔. 釣魚轉轉轉應該較擲彩虹來得容易, 因為我擲了十多年也未試過成功.


掟豆袋要考眼界及運數, 因為要微波爐, 水涌, 及奶瓶都要全中, 機會率好低.


阿囝揀了玩「跑馬仔」, 五位參加者鬥入波, 入波次數愈多, 角色公仔就會愈快到達右邊的終點, 今次阿囝以KIKI出賽, 哎呀! 差少少就可以跑贏Kuromi!! ~~


本來現場還有工作坊, 今日剛剛是製作音樂木馬, 不過因為沒有預約, 所以不能參與, 但其實我想做一本皮革記事簿, 及褶褶凳. 可惜時間不合呢!!


全場唯一可惜的是不能與迴轉木馬合照, 因為需要付$80, 由工作人員以即影即有為你拍照


入場前, 工作人員說:「如果能夠一小時內玩畢全程, 就可以獲贈襟章一個」哈哈~


如此精彩的靚靚嘉年華, 我們足足玩了三小時, 當然, 相機先玩, 我們才玩, 行完又再行, 影完又再影, 我覺得開心重要過一個襟章. Yeah!!! Hello Kitty Go Around 真的精彩. 正到不得了.

沒有留言:

張貼留言