2014年8月28日 星期四

橫「沖」直撞水上飄 我都好恨去玩呀!! @ We嘩! 充氣嘉年華 數碼港 Summer Fiesta

阿囝又再去「We! 充氣嘉年華」大快活!! 今次我依然只可以在公司「玩遊戲」, 所以又要出動阿太陪小朋友大跳特跳.


今次, We 在數碼港大作戰, 場地有分室內及戶外,  2項皇牌遊戲設於戶外, 工作人員好好人, 建議阿囝中午太熱, 不如先入室內玩, 大約4點後才出來繼續作戰喎.



我以為阿囝第一樣會選擇 We!大鯨魚, 誰知他竟然是反轉夢幻堡壘, 他說:「要熱身麻!! ??這個也是理由??


照片拍得阿囝玩大鯨魚玩得好興奮, 我問他大鯨魚是不是最好玩, 他答:「我鍾意玩上次嗰大蜥蝪, 又高又好瀡, 大鯨魚好似矮咗啲, 如果有得再玩大蜥蝪就好!!」但你玩得好開心喎??!!


今次依然有「打吡騎馬仔」, 原來有位如此靚仔的工作人員哥哥負責照顧小朋友. 阿囝今次揀的河馬可愛過上次的真馬仔多多聲.


我問今次有沒有射槍呢? 阿太搶答:每跳完一次, 你個囝就一定又要再去射槍同掟啲動物」鍛鍊眼界, 幾好吖!!將來長大又可以去銀行, 金舖看門口, 或者去機場發空槍趕雀仔都不錯喔~


終於輪到阿囝大力推介, 他說:「超級好玩! 超刺激」的We!水上飄.


他回家告訴我:「係水入面跑跑跑真係好好好玩, 係熱啲, 如果可以搬入去冷氣玩就好」他說一個人好玩, 與媽媽一齊玩更加好玩.


最後就是我非常想玩, 但無得去玩, 而怕熱的阿太, 也好玩得一連玩了兩次的《橫「沖」直撞》障礙賽. 只可惜阿囝沒有140cm, 所以只能在外邊看媽媽「大顯身手」.


4個大紅波, 跳出膽量, 跳出平衡力, 跳出智慧, 點解我要返工呀!! 阿太好玩得跳完兩次後, 即時致電我:「我死啦!! 刺激到死呀!, 好難架我第一次成功跳到兩個波, 但之後就失平衡, 跌咗落去, 真係好難玩!!


我問點解有即影即有相你唔影呢? 她答:「成功挑戰4個波, 過晒關先有得影架工作人員都唔係次次過到啦!! 總知好難啦」阿囝第二朝告訴我:「媽媽真係水皮, 兩次都跌咗落嚟, 醜死鬼」 (多謝工作人員代為拍照, 還為我拍下阿太失平衝精彩的一剎, 勁正!!)



下次We!竟然以我最愛的「懷舊」為主題, !! 撑艇仔呀!! 我小朋友時代的最愛呀!!現在We! 連大人都想去玩, 非常正!! 不知十月會不會有We!鬼屋嘉年華呢?


主題 :             We!懷舊嘉年華@愉景灣 Carnival 70s’
日期 :            9 6日及7 (星期六及日)
地址 :            愉景灣愉景廣場 Discovery Bay DB Plaza
時間 :            上午11時至晚上630
票價:           HK$10 – HK$80


沒有留言:

張貼留言