2014年8月31日 星期日

大紅大綠Old School 中秋綵燈會 @ 文化中心之世界風情畫2014

尖沙嘴文化中心鐘樓, 每逢中秋大時大節, 都會掛滿人形, 動物形等燈籠, 今次已經是第五年, 其實年宵佳節一樣也有燈籠, 當然中國情人節就以「情」為主題啦!! 今次主題則是 「世界風情畫」真的很Old School.


其實, 尖沙嘴的規模一定不及維園大型, 但勝在罷足39, 時間夠長. 9月時份, 7點的天還未完全黑盡, 時間真的好好用.



今次的「世界風情畫」玩民俗服飾, 正正就是和大半年前的元宵節主題一模一樣, 不過當時各民俗公仔一雙雙一對對, 今次就全部形單隻影.


蘇格蘭穿格仔裙, 愈睇愈覺得這位燈籠人的樣貌有點似阿囝喎.


韓國的服飾為何一定要貫徹傳統呢? 今年應該放都敏俊與千頌伊, 手中的不會再是燈籠, 而是炸雞吧!!


西部牛仔, 即是胡迪, 我本來認不出來的, 全靠旁邊的仙人掌.


愛斯基摩人應該我沒有估錯, 但在她的左邊為何有一個野人呢? 這位O嘴的明顯是「聰明笨伯」The Flintstones 入面董輝死黨班尼的太太. 點解會原始人會聯同愛斯基摩人齊齊出現呢?


手持足球的是巴西嗎? 全場應該算墨西哥的鬍鬚佬顏色襯得最靚.


一望到企在風車旁邊的荷蘭子母奶姑娘, 我就想起星期六~街頭魔法王, Bob戴住的荷蘭三角帽, 黃頭髮的阿Bob喎! 認真攪笑...


而所有公仔當中, 最攪笑應該是日本, 因為她的浴衣好似前後倒轉了, 腰間的小蝴蝶應該在背脊喎.


大紅大橙的燈籠, 令本來死氣沉沉的鐘樓變得好靚. 幾千上萬棵燈泡, 照亮整個文化中心, 如果明年制作成一個小時, 公仔會自動活動一次, 那就真的好有趣.



甲午年中秋綵燈會2014
日期:8月28日至10月5日
時間:下午6時30分至11時(9月8日至凌晨0時)

地點:尖沙嘴文化中心露天廣場


沒有留言:

張貼留言