2014年8月26日 星期二

北角春秧街有Matrix 但點解無咗部電車? @ 港運城LEGO展

已經連續3年暑假, 北角港運城舉辦LEGO, 霎眼間又一年, 時間真的過得很快. 去年以哈德良時代的羅馬為主題, 今年就以LEGO砌出從前北角的街景.


北角春秧街是現時唯一有電車可穿梭的露天街市, 窄窄的春秧街, 兩邊擺滿小販攤檔, 人行, 電車行, 不過記憶中應該從沒有發生過致命交通意外.



我們經常也到北角吃雞蛋仔, 又不時來回北角城市花園, 所以阿囝一看到春秧街的電車軌即問我:「點解無電車同天上面呢...電車頭上面同天有好多線呢...爸爸...嗰啲叫咩呀?」真的不得不佩服這位眼利的小朋友.


其中一個最吸引我的情景, 就是大廈門外的大街, 有人正在送大桶鮮奶, 在手推車的後面, 竟然有一系列的星球大戰, 外星人面具等出售, 最正!!


天台有一個雞棚, 想當年真的有人買雞回家養大才劏來吃, 記得小朋友時, 在親戚家發現一隻玩了幾次的小雞不見了, 晚飯時就多了一碟雞, 結果, 當晚很不開心, 一口雞也沒有吃過. 很替牠可憐, 曾有想過:「早知早啲過嚟放咗佢走啦!!~真傻


我不是北角人所以不清楚, 維記咖啡粉麵是深水埗出名的豬潤麵店, 原來當年北角也有一間的嗎 ? 住在北角的同事也說應該沒有, 不知老北角友有否詳細資料?


阿囝望住「樂記糧油雜貨店」的老闆對我說:E個伯伯好慘, 困住係入面」我就覺得有自己一個舖位, 市值千幾萬, 怎會覺得慘


另外, 還有後巷抄粟子, 三名大頭綠衣在追賊, !! 竟然有兩張郵票扮海報貼在大廈的外牆, 真的有氣氛喎.


今時今日的北角春秧街, 依然保留了部份小店, 但是否用Lego砌成的雜貨店、五金店、跌打舖全部仍然存在則不得而知, 唯一肯定, 就是沒有大批肥豬隨街走啦!!


原來, 中華巴士公司已經離開了我們16, 現在望回藍色的巴士, 也會有少少懷念, 不過仍然感受到當年有得揀, 也情願坐九巴, 因為中巴的座位, 空間實在「麻麻地」.



留意一下, 一個用Lego砌成, 當年交通警員用的警崗, 最有印象就是當年阿飛正傳劉德華站崗的地方.


北角碼頭還有沒有如此大的郵輪泊岸就不得而知, 我只知當年政府又說不再發牌給叮叮軟雪糕車, 曾經有一段時間, 排隊搶食雪糕車, 其實約十年後的今日, 雪糕車仍然隨處可見, 還要賣至$10一杯, 超貴.



以一個九龍人來說, 暫時覺得從前的北角, 和今時今日的比較, 仍然「認得出」, 家住北角的28年同事說, 春秧街依然有人情味的小店, 北角仍然有好食店舖, 他強調「北角好好住」喎!!


沒有留言:

張貼留言