昨日看到網友在吃唐老鴨甜品, 嘩!! 個膠杯正正就是唐老鴨, 好想食, 今朝一開Facebook就見一眾迪士尼迷在洗版, 原來是美心的新玩意.
迪士尼甜品最適合一定是去迪士尼食吧!! 於是趁下午有空, 到美心買一款甜品杯帶入園吃.
美心店員問:「小朋友你想買邊款呀?」想了又想的阿囝:「點解無三眼仔嘅?」店員答:「賣晒啦!! 返得六杯咋, 聽日你再嚟就有三眼仔喇」阿囝:「我哋想攞入迪士尼食, 咁我要米奇啦…」
心急的小朋友在地鐵已經不停叫「想食」「想食」, 但基於我們絶對遵守「車廂內嚴禁飲食」, 所以一出閘, 阿囝就急不及待的大啖食.
「好食喎!! 朱古力慕絲…」阿囝一面叫一面給我吃一口:「你唔覺得苦咩?」阿囝搶食:「你同婆婆一樣都話苦, 我一啲都唔覺得」
最後他吃剩裝飾的一片橙及底層的香蕉, 交了給我完成任務, 香蕉味的慕絲也很香, 不錯.
之後告訴阿太, 我們晚上想試其餘的三款,
結果她會錯意, 以後我們只想吃三眼仔,
結果, 最後全中環, 旺角, 及太子的美心也售罄或只剩米奇及唐老鴨. 哎呀!!! 最可愛的士多啤梨勞蘇, 今晚無緣一聚…嗚~嗚~嗚~
晚飯後, 我們又再與意大利芝士餅三眼仔,
楊枝甘露唐老鴨玩遊戲. 不過, 其實大家有沒有發現三眼仔的外貌有少少奇怪呢? 對!! 就是她的一對耳朵呢? (其實可以在杯蓋上做手腳的, 總較現在畫在杯身感覺總是不太似)
每一款甜品杯都有一片水果, 大頭Donald的是芒果, 而三眼仔的則是奇異果及一粒藍梅.
楊枝金露夠醒胃, 是阿太的最愛. 意大利芝士餅又不太膩, 出乎意料的香和滑. 不過老實說, 份量真的太少, 完全不夠喉, 我一個人絕對可以一口吃掉四款也卓卓有餘.
今次唯一最特別就是食完之後, 我請阿太將大頭杯清潔乾淨,
我又有新東西儲了.
沒有留言:
張貼留言