6月頭, 傳媒已經吹風林老闆於長沙灣開「759雲吞麵」, 當時我們真的以為新店開張了, 急急走到東京街找找找!! 結果「得個吉」, 麵店昨天 (8月16日)才正式開業, 試食家庭當然要第一時間去八卦吓!
其實, 「759雲吞麵」正正開在長沙灣道與東京街交界, 長沙灣地鐵站A3出口最方便, 如此「就腳」的舖租應該不便宜吧!
今日好好彩, 因為有彤家預早11點45分到場為我們排隊輪候, 據辛苦等待約25分鐘的彤爸說:「12點10分就可以入嚟, 真係好有張六人枱啱啱好!!」真的不好意思, 要朋友「攞位」而我們一家還要遲到. 真的辛苦晒!!
如果以雲吞麵店來說, 店舖面積不細了, 起碼有40個座位, 樓面員工約有10人, 可能第一日開業, 大家也有一點點手忙腳亂,
所以, 食物上枱的速度也較正常慢少少,
不過, 我們又不急趕, 慢慢來我可以有更多時間左影右影!! 嘻嘻~
首先, 要讚讚這裡員工的服務態度,
非常有禮, 我愛這種服務, 而且我更愛凍飲要求「少冰」, 真的做得到, 最不滿本港9成食肆, 指定「少冰」與「正常」的份量, 幾乎一致.
不過, 這裡熱飲與凍飲的價錢是相差一元, 但份量凍飲抵好多.
我的至愛公司三文治, 因為看到報紙報導時的相片非常靚, 於是第一時間要點選.
色, 香俱全, 但感覺少了一點沙津醬, 如果再塗多點牛油更加正!!
我的牛坑腩最最最超值, 我最初還以為要$65元, 因為質素絕對可與大埔的群記相輝映.
$30可以吃到這樣的質素, 這樣的份量, 真的暗暗偷笑了一下.聞說師傅堅持每日選用新鮮牛脯, 真的好腍, 好入味, 好香, 好好食.
朋友點的雲吞麵, 因為看過報導, 知道一碗有粒, 而且大大粒, 加上我不能吃蝦, 所以只看沒吃.
朋友說:「真係唔只一隻蝦, 有兩隻添, 入面無豬肉架喎, 啲麵真係無鹼水味呀!」
牆上貼滿多年來759的會員卡, 嘩!! 是不是特別版來的 ? 我家的三張也只是普普通通一個「夏」字, 點解牆上的靚得如此緊要呢?
其實, 我家樓下的兩間麵店, 兩塊魚片及兩粒魚旦, 麵底還要少759四份一, 售價也要26元. 所以, $30元在這裡真的可以吃得飽. 抵!
不過, 烏冬狂的阿囝, 今日有點異樣, 問他原因, 他伸伸舌頭:「好辣呀!!」
我試試一口報紙聲稱自家秘方豬骨湯，真的有點點回辣味, 正正就是豬骨火鍋的感覺,
八卦的我走到廚房問問鄧師傅, 他百忙中又笑笑口:「係呀! 我哋放咗啲胡椒粒吊味」
我問如果下次再來, 湯底能否「走辣」? 因為阿囝真的少少辣也食不下呢!!鄧師傅(綠衫)做了一個OK手勢:「得!得!得! 無問題, 多謝意見, 記得下次一定要再嚟喎」一定!一定!
其實, 我以為首日會遇上林老闆,
結果, 空歡喜一場, 不過, 這裡感覺良好, 而且還有下午茶餐, 及飯餐未試, 絶對有潛質成為我的飯堂. 「759雲吞麵」加油!!
沒有留言:
張貼留言