粉紅粉紅趣緻的臉, 今日一見到7-Eleven送來的大禮, 嘩!! 不禁大唱當年~從前豬事丁的主題曲. 阿囝很興奮:「E隻米就係上次銅鑼灣見到嗰隻?」估不到他還記得皇室堡見過「醜比頭」喎.
Pink Pink 「粉紅當夏」, 忽然整間便利店也變成粉紅色, 好浪漫, 好初戀的感覺.
香甜的水蜜桃, 今期當家作主, 飲品, 軟糖, 夾心餅, 朱古力, 脆脆撻全部注入桃的清香美味, 只能說一個字:「正!!」
不得不讚7-Eleven的宣傳大員, 能配合蜜桃成熟時攻勢，農場精靈屁桃君Kobito Dukan正正當時得令.
其實, 我本來對「醜比頭」不大有好感,
不過, 於7-11的推廣下, 真的好似連「醜比頭」也「變靚啲」, 看這把短傘, 傻頭傻腦的「醜比頭」精靈又真的醜得有道理.
「醜比頭」的原子筆, 筆盒, 文件夾, 就連襪也有售, 真心個人覺得精靈確實好靚.
下次見到有主角也要買一對給阿囝.
我的最愛是「百邦香濃草莓夾心脆撻」因為獨立包裝, 每包2塊士多啤梨醬脆撻, 一口一塊, 不太甜又好味.
阿囝不用多說, 第一句就問我:「有冇朱古力呀?」 不二家香濃朱古力脆圈 , 十足一塊微型冬甩, 面層舖上小小粟米片, 脆脆的, 貪食的小朋友一口也能吃掉,
又乾脆, 又方便, 不用吃到一地也是餅碎, 大愛極愛這微型的計設.
春日井雜果果汁軟糖, 有蘋果, 橙, 提子, 桃及菠蘿味5款, 特別在於微硬的外層, 可以容許你咬咬咬, 而不致於入口即溶, 首推清香桃味, 不過阿囝說:「黃色(菠蘿)最好味, 你都試吓先啦!」
Orion香桃味果汁糖, 正正就是童年時的可樂糖包裝, 細細粒水蜜桃果汁糖, 絕對有提神醒腦作用.
芬達蜜桃奶味汽水, DyDo桃雜果汁及Tropicana有氣桃味罐裝汽水, 小食家話一定要 白桃啫喱糖配芬達蜜桃奶味汽水就最Very Good喎.
阿囝萬心歡喜一邊飲芬達蜜桃奶味汽水, 一邊說:「仲好飲過益力多呀!! 爆炸爆炸完仲有蜜味, 益力多係6分, 我畀E枝爆炸蜜味6.5分」
Nobel白桃啫喱軟糖, 香噴噴到不得了, 阿囝食完, 滿口充斥著香香水蜜桃. 真的似食完蜜桃一樣.
沒有留言:
張貼留言