記得三月時看到蘋果日報介紹日本澀谷的PABLO, 推出巨形大蛋撻,
Size有如一個生日蛋榚. 好想食但不能去日本, 結果只得一個恨字. 不過, 前幾日發現原來泰昌餅家也推出了一個巨型大蛋撻. 嘩!! 順路經過尖沙嘴, 二話不說, 即時買來吃吧.
我第一次光顧泰昌, 阿太還問我:「E間啲蛋撻係唔係彭定康都嚟買果間呀 ?」其實我只知道彭定康於「春回堂」飲涼茶, 原來心水清的阿太還記得他吃過泰昌蛋撻.
巨型蛋TART糕, 店員話是慶祝店舖60大壽而推出的, 不過原來已經賣了近兩個星期.
我見海報有分檸檬味及朱古力味, 於是我問她那一款比較好食,
她細細聲答我:「我只係食過檸檬味咋」
原來, 店員打電話問經理說, 蛋TART 糕是凍食的, 雪櫃拿出來一小時內就要食完, 於是我就要付款後快快趕回家.
其實, 我和阿囝也只愛吃酥皮蛋撻,
牛油皮的真是「麻麻地」, 所以我反而在樓下「凱施」買了一個酥皮蛋撻作Szie比較, 蛋TART 糕真的大好多呢!!
阿囝望著朱古力蛋TART糕虎視眈眈, 不停問:「影完未 ? 影完未 ? 好想食呀爸爸」.
切開蛋TART糕, 清楚看到加大版的蛋撻的牛油曲奇皮內, 由五層組合而成，其中朱古力忌廉及朱古力海綿蛋糕相隔著各兩層，再混入一層朱古力慕斯。
十分懂得吃的阿囝, 一口一口將5層朱古力忌廉, 蛋糕及慕斯全部吃掉, 之後剩下牛油外皮就說:「嗰皮好硬, 可唔可以唔食呢 ?」
哈!! 我心想真的和我一樣見解!!
最好食的就是忌廉和慕斯, 外皮真的好硬, 是不是泰昌沒有酥皮的呢 ? 如果大家口痕貪得意買來試食, 當然沒有問題, 但我應該不會買檸檬味再試了.
慘!! 我現在更加想食日本PABLO的大蛋撻呢!!
相關蘋果日報報導 : 日本巨形化蛋撻 睇見都想食
Facebook : https://www.facebook.com/hayakutang
沒有留言:
張貼留言