大仁生活: 荔枝角尋寶遊 @ 億利工業大廈程班長台灣美食玩具好時光 Bondi Cafe

上星期六, 阿太帶我到荔枝角億利工業大廈1樓食「程班長台灣美食」, (有興趣我瀏覽: 愛心台灣隱世地道美食), 這次除了發掘出好食小店外, 我更發現這楝工業大廈原來絶不簡單.

億利可以說是美食大廈, 工廈內有約10間不同的食肆, 因為我們一早鎖定了「程班長台灣美食」, 所以阿太說下次想來吃同樣是一樓的「為食雞私房工場」.

「程班長」對面有一間專營烘焙工具的小店 ~ Patissie Corner, 負責人還推介親子蛋糕班給阿太, 有機會可以相約其他朋友一同來造造餅喎.

阿囝說下次想來吃Pizza, 最初我還以為「Mug」只送外賣, 原來也有吧枱可供堂食, 不過堂食沒有折扣優惠.

除了食肆, 工廈二樓更有一間玩具店, 今晚, 我和阿囝襯程班長的食物未來時, 一齊走上了「玩具好時光」參觀.

看到玩具店前的扭蛋機, 大門前貼滿新到扭蛋的機頭紙, 還有一大堆清貨玩具, 忽然令我想起十年前自己於皆旺商場經營玩具店的日子.

簡單的裝修, 實惠的現成組合櫃, 還有果子, 星矢, 超合金, 太有似曾相識的感覺.

忍不住和年青的老闆Jerry傾談上來, Jerry說:「你以前都係開玩具舖架, 我開咗大約半年, 同你哋以前一樣啦, 好貨訂10隻, 代理都係畀得1隻半隻你, 死貨就畀足你…」

無錯, 所以我現在家中仍然大量死貨, Jerry說:「咁應該當年死貨有啲都番生返未呀 ? (第一代星矢神話) 吓! 真係死喎, 我都不停收, $100蚊收咋我, 收到我都怕…」所以大家明白為何我一向有死貨之王之稱吧!!

志同道合, 話題說不完似的, 阿囝忽然拉拉我褲腳 :「爸爸! 你掛住傾仲記唔記得我係度呀 ? 快啲返落去食飯啦, 我好肚餓…」

短短20分鐘的交流, 真的未夠喉, 臨走前, Jerry推介說二樓食澳洲菜的Bondi Cafe可以一試, 我決定下次再來找Jerry詳談後就試食澳洲菜. YEAH!!

大仁生活