大仁生活: Brown & Cony 忽然真身現 Line 秘密基地 @ 銅鑼灣希慎 Line factory

因為沒有用Line, 所以一直對Line人物不太愛好, 不過近排迷了玩Line Rangers, 日打夜打, 開始又覺得熊大, 饅頭人, 李奧納德, 兔兔等的隊員很攪笑, 最重要是Line日日不停轟炸宣傳香港有POP UP STORE啦, 所以今日我當然要第一時間去銅鑼灣希慎廣場睇睇.

嘩!! 下午4時到達希慎…人山人海, 長長的人龍, 貪心的我當然問問工作人員排隊是否有禮物派發啦!!

工作人員友善的遞上籌號答:「請你7點半左右再嚟排隊入Pop-Up Store就得架啦!!」哦! 原來排隊購買限定品….

幸運的我不是Line粉, 否則我真的要找地方消磨3小時再排隊大出血, 因為Pop-Up Store內的粉絲真的個個大盒細盒的捧著付款, 而且工作人員說, 每人大約得10分鐘左右搶購. 其實, 我只想入內拍照, 可惜被拒絕了…哭~

有粉絲對朋友說:「原來工作人員件Tee 無得賣架…」朋友答:「吓!真係架…好靚呀…好想要呀!!」老實說又真的較Pop-Up Store內出售的款式靚好多喎.

希慎大堂設計成一個秘密基地, 兩隻超大隻的熊大Brown & 兔兔Cony 變成機械人等待出動.

超巨大機械我們不能入內拍照, 大家就盡力貼近基地前的細粒一點的莎莉，李奧納德作合照.

最受歡迎的就是笑得見牙唔見眼的饅頭人, 好多粉絲也爭相扮饅頭笑容.

還有最右手面, 非常接近排隊入口的教授, 因為太多人的緣故, 大家都話:「好想影教授呀….咁多人攝唔到入去…」好彩我比較瘦吧!!

當我聚精會神不停影影的同時, 突然全場嘩然…原來真人熊大和兔兔走來和大家 SAY HI!!

工作人員手持Line氣球遞給熊大和兔兔, 我還以為會為現場合照的人送上作紀念, 誰知兩位主角只是出場5分鐘, 作狀給工作人員拍拍官方照就步回後台. 吓!!

不捨得!! 不捨得….我追向後台兔兔還主動和我「拜拜!!」我真的以為可以拿個氣球送阿囝, 原來只是道具呢!!!

後來工作人說4樓空中花園都有場景可供拍照, 不過走上三樓, 原來還未完成工程, 所以很可惜的圍了欄柵.

不過一樣有粉絲隔着欄柵合照, 我之前真的低估了Line的受歡迎程度, 看~!!個個粉絲也穿上制服來朝聖的呀!!

最後離開希慎前, 就到啟超道的大型Brown & Cony禮物盒影張相留念吧, 下星期 (5月5日起) 再準備帶阿囝去利舞臺 Uniqlo 前影 1:1 Line 公仔, 因為今日她們還在坐飛機途中喎.

今天真的見識了Line的魔力!! Line人氣真的澎湃…勁!!

相關網誌:

香港 Line factory 秘密基地展覽

日期: 2014年4月28至6月4日

大仁生活