美心都可以有泥食!! 平價Tiramisu盆栽甜品@maximscakes 抵食!!

年三十晚一家三口入元朗鳳攸南街食「食泥」~Tiramisu盆栽甜品, (食泥咁過癮！元朗Sense甜品態度仲冷過碟份子雪糕！) 今晚經過美心, 嘩!! 原來現在連美心也推出Tiramisu盆栽甜品.

$22元一盆, 相比當日到元朗吃的要便宜一半, 我當然第一時間買了二杯, 我問店員Tiramisu盆栽推出多久, 女店員:「好耐架啦, 好似差唔多兩個月」 原來, 我如此後知後覺, 可能我少逛美心吧!!

第一時間回家, 開給阿太及阿囝看, 阿囝說:「E! 爸爸你買兩盆植物返嚟做咩呀?......E…好似食得咁架喎…有啲似我哋之前去好遠果度食嗰啲咁樣嘅?」阿太即時搶答:「年三十晚我哋米去食過囉, 早知我哋唔駛山長水遠入元朗食啦!」

(圖左:元朗 , 圖右:美心)

阿囝不理三七廿十一, 即時拿起附送的膠匙羮, 正想把Oreo餅碎放入口之際想多問我一次:「啲泥真係食得架麻, 爸爸!!」

(圖中央的是100%真泥真盆栽)

我點頭說:「美心姐姐話朶花都可以食喎」囝正拿起盆栽中央的小花放入口, 嘗試嚼了數口, 立刻吐了出來:「膠嚟架, 唔食得架爸爸」我猶豫著店員應該知道花朶是裝飾還是食用的, 於是也放了整朶花入口.

事實證明小花真的可以食用, 不過質料如此塑膠, 無味, 十足厚身的軟糖紙, 不好味的, 還是用來裝飾擺了.

盆栽內Tiramisu下層還夾了少量咖啡味及朱古力味海綿蛋糕, 這種組合絶對有理由相信是「參考」了元朗「盆栽」甜品而仿造出來. 不過元朗的層次感較豐富, Tiramisu部份較奶油, 美心的則略為酸了一點.

阿囝愛美心的盆栽, 阿太則覺得元朗的出色一點, 我說:「$45元和$22元的分別, 要求唔好咁高啦!! 食完仲送埋個盆比你仲想點 ?」 正如神魔之塔都可以獲大集團5億入股, 這世界也未必一定只求原創吧!!

Facebook : https://www.facebook.com/hayakutang