2014年1月28日 星期二

My盛蝦頭Vs壞蛋獎門人 好嘢!! 好玩@ 西寶城 一老一嫩追偶像 Despicable me

因為阿囝的關係,最近全屋也變成《壞蛋獎門人》「黃咁咁」的迷你兵團世界。LEGO是壞蛋,睡衣又壞蛋,拖鞋更加是壞蛋,就連床單被袋攬枕通通也是壞蛋……,知道上星期日西寶城舉辦《壞蛋獎門人2》反斗迎馬年,第一時間通知阿囝,結果他開心得整晚睡不著覺。


其實,當日我一樣興奮,因為除了阿囝可以睇偶像迷你兵,而我則可以見到今日活動的嘉賓蝦頭 楊詩敏,哈哈!!自從看了蝦頭在《MyLady》的驚人演技,真的衷心讚嘆。活動本來下午2時半開始,我們145分已經到達,大約十五分鐘後,阿囝就指著後台的真人迷你兵團大叫:「壞蛋呀!!」,而我則看到與壞蛋一同準備的楊詩敏開心大叫:「蝦頭呀!」


蝦頭友善的走過來,我問可否合照,她就蹲下來與阿囝一同拍照,我大膽要求:「唔知介唔介意扮除子珊影一張呢?」蝦頭即時攪笑O嘴「吓!」了一聲,就拍了7分臉的另一張,哈!哈!正!

可能西寶城比較隔渋,所以現場沒有嚇人的群情凶湧,早入場的關係,我們還可以坐在第一行欣賞蝦頭與壞蛋,今日節目還有早前獎門人的一家大細靠晒你當中的「劈磚頭」雜技表演,我還被穿成賀年氣氛甚濃的師傅捉了上台齊齊「劈磚頭」,本來我叫阿囝幫手影我上台如何一下就失敗的「散磚」情況,誰知阿囝坐在台下大聲叫:「我唔想影呀爸爸!」哈哈!


另外我還是第一次看見氣球技師吹脹了一個6呎高的紅色氣球,之後竟然自己整個人走了入內,嘩!全場大人小朋友個個也目瞪口呆,估也不估到的情況下,他又扮成一個紅蘋果笑笑口和我們揮手,本來站在或坐在台中的小朋友,全部被這位世界小丑錦標冠軍人馬Kenneth全部吸引上台前,當然大家也拍爛手掌。

最後當然就是小朋友們期待已久的與壞蛋兵合照的時間,過程中我問阿囝;「點解得一隻壞蛋咁少架?」阿囝緊緊望著迷你兵沒有半點分神的答:「好多呀!爸爸!你見唔到咩?(指指其他紙版和牆壁)細細隻都係,不過唔識郁遮。」

終於我們逐一每隻壞蛋也合照之餘,阿囝還要逐一自己拿相機影他們。如果西寶城可以將去年6月在青衣城展出的多隻立體壞蛋兵FIGURES借過來的話,場面可能更加震撼。


今日還可以在商場消售滿$300元換領壞蛋精品,不過情況有點複雜,在惠康買了$300元後,走到排隊扭蛋時才發現,原來規則是一定要由兩間不同商店發出收據,結果,我又要到7-11多買一條朱古力,然後再重新排隊才可參加,哈哈!我們抽中迷你兵壓力球公仔,阿囝開心得即時開袋玩,工作人員也出奇地問:「吓!你咁心急呀小朋友?」



最後場中心還有一個免費的壞蛋砌圖小遊戲,阿囝當然不會錯過,結果到我們離開西寶城時已經黃昏5時半,嘩!從未想過可以在這個細細的商場逗留接近年小時,後來我們一上巴士,手執迷你兵的阿囝不到三分鐘即時睡在我的大腿上。今天連我也覺得好玩,沒有想過西寶城也可以有這樣精彩的活動。勁讚!!

沒有留言:

張貼留言