深水埗嘉頓麵包時時經過，最近才知道內裡有西餐供應，聖誕當晚一家三口想入餐廳一試，走入自動門，接待員說：「歡迎光臨，請問有沒有訂位呢？」我搖搖頭，當晚餐廳全場爆滿，結果我們要3晚後預訂才有檯。
餐廳在大門入口處轉左上一樓，樓底不高，但地方闊落，油木地板，四處掛了油畫，轉角有一個小舞池，十足從前小學的禮堂，氣氛傳統，大有無線電視劇主角回憶「舊時」BALL場跳舞與女主角邂逅的場地。
餐廳約有20檯，但今晚光顧的大約不多於10檯，以星期六來說算有點冷冷清清。今晚我們分別點選了炭燒安格斯西冷朳餐及肉眼牛朳餐，（各10安士）。其中一個餐湯加了$30元轉酥皮海鮮忌廉湯。
跟餐的餐包果然有水準，「嘉頓」果然是「嘉頓」，包配上蒜蓉又香又脆好吃，不過份量似一開二的感覺，我情願端上來的是兩個小小的餐包。今晚餐廳只有蘑菇忌廉湯，不過免費的與另外付費的酥皮海鮮忌廉湯簡直有如「無線」與「ATV」的分別。普通的忌廉湯既稀且淡，一兩粒肉粒配蘑菇，淒清得很可憐；相反阿太剌穿酥皮後，第一匙就叫我影！有聖子喎，第二匙又叫我影！有帶子喎，第三匙再就叫話隻蝦好大隻喎，忌廉湯足料之餘又入味，配上酥皮感覺更完美。牛與蚊比，我的湯真的無得比。
店員說:「8成可能會老，
7成好唔好? (因為之前在Factory99看到了7成的血淋淋我怕很多血)， 唔會架!!」這裡的牛正合我意， 因為7成的西冷肉質仍然很軟，但7成的肉眼則相對有點靭。
不過，老實說以這個份量及肉味， $230元有點太進取了。
甜品是每人兩棵小糕點， 正方形的小蛋糕上舖上白朱古力， 不可以說是特別，
但喜歡這裡的熱檸茶， 自酙自飲的也可以有兩杯的份量， 吃飽還可以慢慢歎。
旁邊有人點了火焰焗雪山慶生日， 嘩!!果然較吃生日蛋糕來得更有氣氛，
不知味道如何， 但場面就一定贏晒!!
結帳時店員問:「請問有冇會員卡 ?」原來會員可以有9折， 我問:「點先可以做會員?」店員:「平日辦公時間係樓下畀$150蚊入會， 我哋會畀返$150禮卷你， 即時就可以成為會員。」這裡不收加一服務費，
如果再有9折， 套餐價錢也勉強可以接受， 傳統的餐廳可以一試， 但個人覺得驚喜不大， 吃「特別地方」之名勝於食物吧
Facebook
: https://www.facebook.com/hayakutang
沒有留言:
張貼留言