網頁

2014年1月15日 星期三

做隻出色的馬仔 《熱鬥小馬》回歸啦!! 拉屎藏20年後再睇一樣笑死

「做隻普通的馬仔,任怨任勞時運低, 做隻簡單的馬仔,任喝任鋤頭望低前路不可估計 ,前路不可估計」黃子華同《熱鬥小馬》齊齊回歸啦!! 1994年日本誕生的拉屎藏, 自己要到2000年無深夜重播才認識, !! 當年一定要追完笑完才可以上床睡覺.



霎眼又20週年, 綠色牧場拉屎藏, 這隻十足一頭白色狗仔的小馬, 兩個鼻孔大大的, 當年大家的投訴風潮還未流行, 所以, 《熱鬥小馬》的配音可以去得很盡, 所以才可以有爆笑效果. 不得不讚Mikiki, 今次「食」盡2014年的生肖年, 《熱鬥小馬》入得很靚, 這絶對是今年最正的新春應節場景吧!!

忠兵衛首領當年第二集登場, 老鼠扮森林首領還要幫拉屎藏改名做高睪臭男, 今時今日休想再聽到這絶頂傳神的配音喇!! 


場中的勝仔房間, 有多張卡通劇照, 內裡有一部電視, 本來我還以為會重播《熱鬥小馬》, 誰知只是播放硬照, 真的有點失望.


Mikiki,沒有帶來勝仔, 沒有帶來教練昌叔, 但帶了拉屎藏的媽媽綠子來, !! 第一集的劇情呀!! 馬房內拉屎藏出世喇, 有媽媽在身邊, 又有拉屎藏最愛的蘋果,所以拉屎藏又偷懶「晏覺」. (忘記了61集內拉屎藏的爸爸泰馬金有沒有登場, 但傳統咖啡色馬為何會生出白雪雪的迷仔馬仔呢 ? )



有媽媽當然還有妹妺牧場子吧, 場中心有一個小馬場, 拉屎藏與妹妹牧場子正在進行特訓, 小朋友個個也排隊當小騎師, 齊齊來作人馬合一的「啄木鳥跑法」, 與綠色牧場王一同衝衝衝!!


同場還有拉頭馬情影, 2號馬是誰呢 ? 牠的樣子似朝日盃大勝的「黑色帝王」小瀑布, 但小瀑布是13 ? 牠又似大結局才登場的8號馬王多利多達, 不過無論如何總知牠就是馬王, 也是敗給拉屎藏的對手吧!!



甲午馬年一定要來應節吧!! 如果可以走入圍柵, 手執奬盃, 錦旗扮拉頭馬合照就更加好啦!! 不知是否展期內某些日子可以批准扮馬主拉頭馬呢 ? 今晚我即時上土豆重溫了10集《熱鬥小馬》, 十年不見, 一樣笑死!! 



2 則留言:

  1. 未睇過添. e+ o係youtube睇,惡補一下.

    回覆刪除
    回覆
    1. 好似YOUTUBE無,我在土豆看的。重睇我都覺得好好笑。

      刪除