聖誕快樂!! 在MUJI 無印良品的買禮物記

又到聖誕！又到聖誕！朋友送來MUJI的砌圖聖誕裝飾，簡單易砌，阿囝一收到立即高興地砌砌砌。因為砌出來好靚，又夠節日氣氛，所以，我也想買來送給舊同學的小朋友，於是前天我就走到朗豪坊的MUJI去揀聖誕禮物。

雖然說是砌圖，但其實輕輕鬆鬆的把「啞膠力」膠套上即可成為聖誕樹及聖誕老人，真的連5歲小朋友也覺得零難度。自己最愛那坐在綠色雪橇上的聖誕老人，還有一個禮物袋，認真攪笑。

走到朗豪坊MUJI，嘩！人山人海，人人也在選購聖誕禮物，雖然外面只有12度，但商場內有暖氣，加上店內人頭湧湧，簡直是一個熱辣辣的下午。找了又找，也沒有見到綠色聖誕老人的蹤影，反而紙製的版本則有一款類似的, 聖誕樹則有多款可以慢慢揀，於是問問店員，她答：「唔好意思，請問你有無帶嚟可以畀我睇睇，因為，我印象中好似無。」哎呀，我忘了帶出來，所以只能形容給她聽，但為何會沒有貨呢？

於是致電朋友問問，原來她是在日本買回來的，嘩！日版無印？早知不打開來玩，用來收藏吧，那香港無印可能真的沒有出售。於是我周圍看看，找找另外的精品吧，結果，看中了掛襪裝飾，可以給小朋友平安夜掛在床頭，等爸媽扮聖誕老人放禮物入內，還有一個毛毛日曆聖誕樹，可以掛上小裝飾來認日子，剛剛好可以送給入幼稚園的小B來學日期。

其實，香港店有一個近似的積木聖誕樹，但因為朋友說過小朋友愛擲東西，所以怕積木可能傷害性較重，所以放棄了。

原來去買聖誕禮物必須要很有耐性才可以，因為商場內間間店舖的付款人龍也真很很很長，幸好今日我十分清閒，因為由走入店，到挑選禮物再完成整個付款過程，大約也花了個多小時，怱怱忙忙的一定忟死, 悠悠閒閒的反而覺得買禮物也其實好好FEEL喎。