Campbell’s PREMIUM不再罐頭金寶湯 田園雜菜羅宋湯最最最好味

可能連PR姐姐都知道我家是無飯家庭, 所以日前她問:「你試唔試吓Campbell’s PREMIUM,  新包裝金寶湯, 唔駛點煮, 原包放入滾水煲或者用微波爐叮就攪掂架啦!!」即食食品最合我心水, 當然要試!!

今次PR姐姐一次過給了我六款口味：田園雜菜羅宋湯, 忌廉南瓜濃湯, 香滑蘑菇濃湯, 經典周打蜆湯, 金黃雞肉粟米湯, 及香濃蘑菇雞湯.

阿太說：「等我用雜菜羅宋湯煮通粉做晏晝啦！（你識煮咩？）吓！煮熟啲通粉，成包金寶湯放入去煲熱佢，包裝都寫明煲5分鐘啦，你無睇到咩？咁之後再倒埋一齊米食得囉，有幾難呀？」

果然，原來包雜菜羅宋湯已經有大量湯料，又菜又豆又肉，沸熱後整包倒入煮熟了的通粉後即可進食，口味香到不得了，不是說笑，認真好食，不過我想5分鐘未必夠熱，我愛吃熱一點，下次應該多煲3-4分鐘，熱辣辣應該更正。

之後的一晚，我帶了香滑蘑菇濃湯及香濃蘑菇雞湯到嫲嫲家，她說：「你地想煮嚟飲呀？（妳覺得呢？）不如煮烏冬啦，我再煮幾隻蝦，忌廉蝦應該幾好食。」

結果嫲嫲先煮熟烏冬和蝦，再開爐將兩包蘑菇湯倒入煲加熱，之後將烏冬及蝦再混合一起煮了數分鐘，前後過程不過15分鐘左右，(已包括阿囝在旁不停攪攪震)，就已經可以上檯，一家五口吃得非常滿足，飽肚到不得了。阿太：「原來蘑菇湯煮蝦啲味道都幾好食架喎!」，今晚竟然連挑釁掩尖的阿太也說好吃，真的難得呵。

之前我還以為「金寶湯」是一罐罐的，原來推出了這種懶人恩物，一包兩個人食剛剛好，我決定下次煮公仔麵時也試試變身「雜菜羅宋丁」，田園雜菜羅宋湯真的好味到不得了。